Dear brother:

返學主要其實唔係為學野(正確d黎講,跟本唔係為學野),係睇下個miss呀sir鍾意教d乜.因為忍惡揚善係每個人既天性.熟個行做個行,個先生熟邊part鍾意教邊part自然考返個part
呢個方法大部份時間都有用,除左公開考試.遇到公開考試,惟有用past paper補救

至於分配時間方面,其實我覺得封機封電視呢d行為係冇必要既.禁飲水會生腎石,禁屙屎會便祕,禁玩太久個腦就會對讀書反感,點都讀唔入腦.當然唔玩得咁多囉,就住玩就ok
另外,仲有兩個重要因素:持續性同break.作息時間表要對應呢兩個因素才可事半功倍.當距離考試時間尚遠,都好少話專心溫習,因為讀死一科悶丫嘛.雖然係咁,都唔好揭下a書跟住揭下b書.咁樣係冇用既,仲會呃自己話俾自己聽讀左(其實就冇).如果係咁真係唔讀仲好過讀.正確方法係讀完一科 - break - 第二科..讀完呢個步驟係好重要既,所謂讀完未必係成本溫哂背哂,其實係可以視乎自己對該科既信心調教一個理想既速度.有信心既話,一兩個字亦可,冇信心,一兩個鐘亦未夠.呢個讀完既目的係令自己知道該科內容既大綱,到遲d深入研究時不會有所遺漏,同埋當中有甚麼重要的東西係非背不可.乖既話,當場背之;懶既話,起碼將該段內容畫哂圈圈星星螢光筆..等等,到了遲d深入研究時可以記得要背,會俾d心機背,同埋臨考時如果冇信心可以易d搵出黎快速揭揭看
我亦喜歡用白紙邊讀邊做筆記.原因有四:
1. 白紙比書本簡潔同輕;
2. 自己好似整緊powerpoint咁幾得意,寓工作於娛樂簡直係正啦;
3. 自己寫過畫過點都熟d;
4. 有時單睇未必明,不過如果你諗倒點將d內容寫落紙上的話,你睇返書本原文就易明好多,好過睇唔明就死背.一兩段咁就得.如果你發覺你係有一兩個chapter甚至係成科都係唔明,咁死背,會死人的

當臨近考試,又怎樣分配各科時間呢?比如說,還有七天便要依次地考ABCDEFG七科,我會GFEDCBA地使用這七天.這樣你對時間的感覺會好些的
那麼,如何深層次地溫習一科?其實如果你之前大概知道科目內容甚至已大略溫了寫了筆記,其實一天,最多兩天已夠.重點係起碼溫兩個循環.當你發覺第一次要溫四五小時才可溫完一科,但第二次只需兩三小時,係好有滿足感的.有滿足感,便有自信;有自信,還怕甚麼?!
同埋,通常溫了第一個循環,第二次再溫的時候你會發覺淺了.你會不自覺地"加料",如溫多一兩個你之前覺得唔重要既例子,會做多一兩條你認為"好煩,不過好似唔係好難唶,考試個陣都識做架啦"而開頭冇做的數.有時成敗的分別就係讀多做多呢一兩條.其實,去到我個level,幾十年功力,通常兩次深入的cycle乜都夠.當知道班中有很多該科既勁人時才出現三次cycle.四次可謂絕少,除非真係之前冇讀過.但初學者如你,我建議以三次為基準,到了過多幾年懂收放自如時才再作調整

那該如何分配該三次循環呢?強烈建議朝早溫第一次.朝早,最有衝勁,亦最入腦.通常第一次溫需時三至四個小時.八時半起身,正常的話會溫至中午十二時半,之後放少少break,十二點九食飯便剛好.如果溫早左,例如十一時半便完了,我會俾自己放長break,做d自己唔做會身痕的東西.我自己就會上網用一兩個字立一立icq newsgroup email,之後打一兩鋪(通常我都控制到只打一鋪即係兩個字)winning,之後睇報紙,八九個字倒睇完,岩岩一個鐘,食飯去
第二循環何時開始比較自由,亦視乎第一循環溫了多久,久的話自然要預多d時間.早則大約二時,遲..都唔遲過三點啦
第二循環你會發覺會溫得快很多,我平均用個半至兩個半小時.完結的時間是四時半.你會發覺呢個時間自由度幾大.想再溫咩,距離七八點食晚飯仲有三四個鐘,溫多一輪甚至兩輪都仲得;太累想抖抖呢?三四個鐘訓完醒過梁醒波;想打機..拿唔好話我教壞人,最好唔好啦(講係咁講啦),不過聽歌都ok的

好,八點食飯.講真,我追開d電視節目係照追,最好唔好學啦.臨訓再快快溫一次,半至一小時,可以睡了

點溫?咪就係咁溫囉!

love,
hon
2004.5.23 2047