手拖住手既感覺真係好，尤其係拖住一個你鐘意既人，不其言就有一種甜密同幸福既感覺 輕輕咁手挽手就已經感覺到互相既濃情密意，將大家既距離拉得好近好近 每當我地手拖住手既時候，唔單只感覺到有溫暖，仲有力量，信心 好似可以感覺到對方對對方既關心同肯定 呢一切既美好既感覺其實都係因為我地都好愛對方，我好鐘意手拖住手，尤其係最鐘覺我地十指緊扣既感覺，因為我覺得咁樣好有安全感，而我地亦都曾經拖住對方走過左一些短短既路，但願係呢一刻我地都可以十指緊扣，一齊走埋後面漫長既路 兩個人手拖住手真係可以乜野都感受得到，包括可以感受到我地既感情去到邊一度 拖住既時候感覺甜甜蜜蜜就緊係好啦，但係由唔知幾時開始我就發現我同你手拖住手既感覺已經唔同左喇 雖然我地仍然係手拖住手，但我已經感覺唔到以前果份著緊同關心 睇住你同我一齊既時候變得越來越恍惚，越來越冷淡，真係令到我好不安，好難過 我真係好想問其實你係唔係已經唔再愛我呢？ 因為係手拖手既時候我已經感受唔到以前親近既感覺，相反我地既距離好似一日比一日咁拉開，變得越來越遠 到左最後我地相方都好明白係時候要放手喇 因為我地之間既愛情已經發出左死亡既信號 再見喇！係我失戀既呢一日，我將我雙手緊扣住放係額前 為呢段失落左既愛情作出最深切最深切既哀悼