2004年07月08日
唔知係唔係我平時唔用腦諗野咩滯,
就算我自卑都好,
我都唔會覺得成日有人係背後猜度我.
但係有陣時我真係唔明,
我明明可能講緊一樣無關痛癢既野,
身邊既人就往往以為我單打佢.
講真我好小覺得人地唔好,
呢個世界咩人都有佢既特別之處同優點.
好多人只會相信明前所見既一切.
但佢無諗過佢睇既根本唔係事實既真相.
其實人就係往往無承受真相既能力,
或者可以咁講,
佢地只係可以承受預料之內既事實.
其實我同您都係一樣咁軟弱既人,
有時我知事實係好殘酷,
所以我好多野都刻意唔去諗唔好記起.
我記得好耐以前,
曾經有人話我諗野諗得太多,
所以先王會咁辛苦,
所有問題都係無中生有,
所有不必要既煩惱都係自己製造.
今日我已經唔再想做呢種人,
但我亦都無資格教訓人.
其實任何人既關係,
都係取決於您有無決心信任對方,
就好似一場賭博一場投資,
有時講眼光亦講運氣.
但最重要都係講您有無咁既誠意同勇氣.
或者咁講啦~
我知我自己一向無咩賭運架~
我不嬲無諗過贏到D咩.
只要我問心無愧就得.
最起碼,我贏到自己對自己既信任.
愛,不是懷疑.
希望您明白.
11 JUNE 04
雅希 只跟部份人分享這資訊。
閃靈 (07年10月)
其他
