相信好多男仔都試過女朋友
在公眾場所發脾氣而不知如何處理...

小弟今天都見到一單咁既事件
地點係一間食物館
我當時係一個人入去食晚飯

突然附近一位小姐
發晒脾氣咁鬧個男朋友
內容大致係個男仔叫左d佢唔鍾意既野
之後個男仔細細聲咁tum左個女仔好耐
但係個女仔依然發緊脾氣
佢果陣個嬲樣衰到呢
我都有一絲想過去打佢一身的
之後到佢地到走果陣個女仔都仲係果個嬲樣

過左一陣我附近另一台有一對母子
個小朋友又係發晒脾氣
內容大致又係同頭先個女仔差唔多
而且聲浪同頭先個女仔有得揮
這個時候個媽媽非常決斷
一手就大巴咁星落個小朋友塊面度
再加對白:收聲!依度街黎架!!
聲浪比同頭先個女仔同佢個仔更勝一籌
出奇地個小朋友真係收左聲無喊到喎

從依兩件事得出一個道理...
不是小朋友比女朋友懂事..
更不是叫大家出手大巴星你女朋友...

只是原來當女人生了小孩子
才會明白不應在公眾場亂發脾氣的....