其實點先算係愛呢??
我好明白當你真係愛一個人嘅時候,你係可以為佢放棄好多野,同埋會不知不覺咁為佢改自己嘅性格同生活習慣去遷就同形合佢...我曾經為左一個我好愛嘅人而放棄全世界,唔理屋企人定自己嘅朋友...都為佢而全部唔理,最後我所得到嘅只係一個接一個嘅大話,一次比一次更傷...所以我學識左要好好保護自己...
之前有一段時間,我嘅唸法係--為左要好好保護自己,千奇唔好再愛一個人...我要嘅係一個佢"愛"我多過我"鍾意"佢嘅人...寧願做衰人,寧願比全世界鬧,我hurt人好過比人hurt...同自己講我要硬正D,唔好再太過依賴任何人...
當你曾經比人傷得好深好深,仲點敢去輕易去愛一個人...特別係當你知道係佢眼中唔只得你一個...連佢自己都話知道自己對你唔夠好...但其實我知佢同我一樣,唔係唔想對你更好...只係怕,怕會再一次受傷...