相信大家每個年青人都會喜歡談戀愛，但係往往只有分手下場，試試回頭想想，是您真心真意？定還是三心兩意？當對方跟您說愛您的時候您會否感動？當對方對您說不愛您的時候您會否心痛？開心的回憶是美好？傷心的回憶是罪過？天長地久？或曾經擁有？是上天安排定還是緣份注定？不過我一定要堅持一個信念，是甚麼信念？就是愛情會有一生一世的一天！呢個時候，我講個故事比您聽：中學時間某日放學，到學校鄰近既7-11買我好鍾意飲既雀檸．到比錢嗰陣時，我見到一個好靚既女仔售貨員，當時我係咁望住個女仔，眼神好難先離開佢既視線，因為佢實在太靚．嗰晚返到屋企，訓覺嗰時，系張床碌左好多個圈，仲係掛住佢既面容，同埋嗰副好迷人既笑容，我決定日日放學都去間7-11度買自己鍾意飲既雀檸．可能買雀檸既時間耐左，而又同個女仔熟左，每次當我入到去佢都會同我幫我拎定一支雀檸．之後我約佢出街，識識下都識左成個學期喇，好快好甜密咁拍左拖，仲一有時間走去接佢放工．情人節都到喇，到嗰日，我想比個意外驚喜佢，就係買定一紮鮮花系門口等佢放工，我等左好耐，成半個鐘都有，平時準時既佢點會遲出黎呢？唔通忙緊？個心諗完又再諗，結果都係忍唔住走入去問個店員，個店員好無耐咁答我：『佢返工搭車嗰時，遇上交通意外，不幸離開左人世......』我聽完之後好傷心，心里覺得好無助，一個人坐系門口痛心地大哭，經過呢次之後，我冇去過嗰間7-11，換句說話，呢間7-11冇左我呢位【常客】．撞正一次，我搭車經過嗰間7-11，我好回味咁望完又望【老地方】，我特登系度落車，再次買我喜愛既...雀檸．入到去，我竟然見到一個同佢一樣樣既女仔，個女仔既微笑仲同佢一樣，我心里又再次回味，再次開心.......