暑假ｇｅ時候，亞俊去左佢姑姐開ｇｅ茶餐廳到做送外賣，希望可以賺返ｄ外快。但係今次ｇｅ暑期工除左令亞俊賺到錢之外，仲令到佢對一個毫不認識ｇｅ女仔產生好感。
有一日，亞俊踩緊單車去送外賣ｇｅ時候，唔小心撞到一個捧著好多書ｇｅ女仔，結果佢地就相相倒地。而個女仔仲擦傷左個膝頭。當亞俊見到佢ｇｅ傷口流血，就即刻拎張紙巾俾佢。之後，亞俊想扶起個女仔，不過個女仔就好急咁執返ｄ書,跟住就向亞俊點一點頭，然後就走左ｌｕ。但係由於個女仔匆忙離開ｇｅ關係，所以就執剩一本書，而本書亦留左係亞俊個單車籃到，直到亞俊送完外賣之後先發現本書既存在。而當佢見到呢本書之後，亦知道本書係個女仔留低既。所以亞俊就好小心咁保管住本書，希望會有機會俾返個女仔。而係當晚，亞俊正想訓覺ｇｅ時候，睇到書?上擺放左個女仔留低ｇｅ書，結果亞俊就因為好奇而揭開左泥睇。揭開左之後，亞俊先知原來呢本書係一本愛情小說，而且仲要有作者ｇｅ親筆簽名添，難怪要用包書膠包到靚一靚啦！
　　到左第二日，亞俊又經過尋日同個女仔相撞ｇｅ街道。不過，亞俊今次無踩單車，而且佢ｇｅ腰包亦帶左個女仔本愛情小說，一來可以係空閒ｇｅ時候睇，二來又可以係見到個女仔ｇｅ時候就即刻還返本小說俾佢。但係事與願違，亞俊自?日開始都冇再見過個女仔，不過佢無選擇放棄，因為佢始終都相信會再次同個女仔相見ｇａ！
　　幾日後，亞俊又再一次行經呢條街送外賣，當佢行到同個女仔相撞ｇｅ地方ｇｅ時候，佢又回想起?次相撞ｇｅ情景以及個女仔個樣。結果，佢又再次撞到人喇。而且佢撞到ｇｅ人，仲要係上次個女仔添。亞俊當時心諗：「唔通呢ｄ的就係叫做“緣份”？之後，當亞俊正想將本小說還返俾佢ｇｅ時候，發覺佢已經走得好遠喇。不過亞俊並冇諗住就咁就罷休，仲一直咁追，但係因為條街實在太多人，所以亞俊根本冇辦法追到上前俾返本小說個女仔，而且最後仲連個女仔ｇｅ身影都唔見埋，攪到亞俊要失望而回。之後仲要分別俾客人同姑姐鬧添！個客就怪佢遲到同埋盒外賣凍晒，而姑姐就鬧佢做乜咁遲先返舖頭幫手！攪到亞俊覺得好無奈，仲覺得自己有ｄ陰公添！
　　當晚，亞俊就去左佢隔離屋ｇｅ亞怡到訴苦，而亞怡亦都好有耐性咁聽。去到十點幾鐘，亞俊先至返去自己屋企訓覺！　　（待續）