你係咪一個懂得與人溝通的人？以下測驗話你知。


1.有個Fd要你向佢媽咪講大話，你覺得咁做不太好，你會：

a.跟他說：「唔……都可以既。」
b.跟他說：「好。」不過當佢媽咪打電話比你，你就索性飛線去留言信箱。
c.跟他說：「我覺得咁做唔係幾好喎。」


2.你係商場睇中條裙，媽咪要你形容一下，你會說：

a.「唔……應該係粉紅色……中間綁住個黑色蝴蝶結個條掛。」
b.「條裙係粉紅色……中間好似綁住個黑色蝴蝶結。」
c.「粉紅色、中間綁住個黑色蝴蝶結的連身裙。」


3.個Fd應承你會遲D Call返你，但後來你無收到佢電話。第二日見到他，你會：

a.扮無野，即使心裏面有點唔高興。
b.佢同你傾偈，你就敷衍佢，等佢知道你仲嬲緊佢。
c.跟他說：「尋晚你無Call返我，到底咩事？」


4.同人傾偈，邊個最多野講？

a.你自己。無論朋友或家人，都笑你係個長氣袋。
b.對方。你只負責比反應，同人打開話題一向不是你的強項。
c.雙方。你和對方都有發言機會，亦留心聆聽對方的說話。


5.同事臨時早走，老闆要你頂替佢開OT，但你當晚約左人，你會說：

a.「如果你真係需要我幫手，我OK既。」
b.「我今晚有事，真係推唔甩。」
c.「Sorry，我今晚唔可以留低。」


6.同老師傾功課，你會用甚麼身體語言？

a.蹺埋雙手。
b.兩手郁郁來表達自己的意思。
c.走近老師身旁，並將頭向前靠近。


7.你在跟心儀男生傾談，他就男女平等愛表意見，你不太同意，你會：

a.附和佢，免得他以為你是包拗頸。
b.不經意的轉換話題，希望他不要繼續談這個問題。
c.話佢知你明白他的觀點，然後將你的意見如實說出。


8.上堂時，老師叫你起身答問題，你會望著他雙眼嗎？

a.不會。
b.一時有一時無。
c.會。


＊計分方法＊
看看你的答案最多是A、B還是C，就知道你是否一個擅於溝通的人。


A.內向怕醜

在人前，你沒有清晰表達自己的感覺和看法。每當你想收埋自己，不敢表達自己的想法時，不妨將心中所想寫在紙上，然後提醒自己，下次若遇到相同情況，要勇敢一點。


B.忽冷忽熱

當周遭的氣氛令你感覺自在，你會坦白說出自己的想法；但當你感到壓力時，你的舌頭就好像打了結，結結巴巴的說不出話來。下次當你感到氣氛不對，也要迫自己將心底話說出，慢慢你就可以掌握溝通技巧，增強自信。


C.有話直說

你對人坦白直接，這種優點助你建立健康的人際關係。不過，記緊不要只有你講無人講，比其他人多D機會發高，並細心聆聽對方的說話才作出回應，這樣既可以更了解別人，又可讓人更了解你。