唔知點解而家每個朋友見親我，都是問我點解仲唔拍拖呀？乜唔拍拖好奇嗎？我知你地想我好、關心我，怕我寂寞、怕我胡思亂想、但無逞逞去邊搵個男人喎。要明白我做什麼也是只憑感覺，若第一眼是喜歡就喜歡，不喜歡就不喜歡，但我喜歡的又未必喜歡我囉，你選人人家也在選擇你架。我有時也覺得自己太被動，但人家是女子，難道真要我掉轉追咩，雖然現在很普遍，但我過唔到自己個關囉。我對我越喜歡的人，表現越不在乎，只會有時對佢有些特別，我只懂暗示，我諗如果他也喜歡我，應該會明囉，否則咪只好將這份情藏於心底囉，主動就真係免啦。有時我也覺得自己表裡不一，我外表open但內裡保守的，我也覺自己勁攪笑囉。成日聽到d朋友話我都幾靚女呀，點會無人追？很抱歉我真係從來都唔覺自己有幾分姿色，我覺得自己只是普通樣，出街撞死幾個個種。再加上我真係唔多人追囉，因為我築了道圍牆，無乜幾個過得到，再加上我唔笑個樣超cool，說話有時又勁串，係人係鬼都怕左我啦，但我又無意改變囉，所以繼續一個人去精彩。始終相信梗有人會懂得欣賞我，而我又懂欣賞佢的。況且天要和我玩遊戲，唔通唔同佢玩下咩，咪睇下最後見我乖乖，會唔會讚下我囉。最後我想話你地知，我真的想去愛，但我更怕受傷害，有如驚弓之鳥囉，況且真的一朝被蛇咬，十年怕草繩，何況我唔止一朝被咬，係已經咬左好多次啦！請見諒！