一月.....為左個mock真係想死....臨急抱佛腳地溫chem同bio(我最差最空白既兩科)
我地應該都係全屯門區最快考mock既一間學校......總之lei個月就過得好急啦..

二月....情人節去左做送花...(竟然唔係收花...="=)不過都開心ge...!!
行均港九....去埋中銀同匯豐銀行總行...見識到佢地做野係幾禁靜....~~~
我部新電話亦都係lei個月出世.....~~本來話會錫住的..點知而家都係花鬼晒....="=

三月....9號係惜別週會...真係勁感動....我禁大個女第一次o係學校當住禁多人面前流淚
但lei一日真係非常非常感動....而家諗返起都覺得.....
17號就開始唔使返學...亦都開始左我o係屋企頹廢既生活..........

四月....接近會考...心情都開始緊張...真係開始拎返本書o黎睇下...
我仲抄晒所有chem既公式死背.....bio既名詞死記.....背返晒所有econ既定義.....
29號考第一科.....英文paper1,2...30號考英文paper3....仲比個考官過左棟....="=
而且lei個月.....既24號....我最愛既爺爺都離開了我.....唉...對考試既心開始動搖

五月....送爺爺最後一程...而且知道左件事..令我既心情更加低落.....
5號我仲竟然o係幾個朋友面前喪喊....o個一刻我已經覺得我會考凍過水....
9號至13號...開始我馬拉松式既考試....數學..中文..物理..經濟..生物....
每一科我都冇心機做...而且有好多都唔記得左點做....所以空左好多...
我見到咁...我已經知道中六離我好遠了......="=
17號..考最後一科chem....之前o個一日好努力地死背公式..諗住搏返個合格返o黎...
20號..我生日....都算開心既一日....至少...係我同翟小朋友過

六月....更頹....完全唔知自己做緊乜....27號...我考最後最後一科.....oral.....
我覺得lei科係我考禁多科考得最開心.....因為實在太簡單.....

七月.....5號係謝師宴....個個打扮起上o黎真係勁唔同款ga lo.....
但個謝師宴就超悶喇....一d都唔難忘......都唔知想點.....
9號就係我同翟小朋友一年既日子...lei一日...都真係幾開心ge....
13號就係結業禮....前兩日我都返左學校綵排.....拎左張寫得非常漂亮既推薦書...
跟住既日子終於唔使頹...因為有兩套戲排...一套係"廿五度半"一套係"四口之家"
31號係爺爺一百日....搞掂晒d野就即刻返入屯門..因為"廿五度半"o係lei日表演

八月....8號同婷婷honey入左camp.....超開心lo....同埋知道左某人既心意....奈何o個陣我實在唔想..
10號就放榜...一如我所料..得8分.....唔知點解..原本話唔會喊...因為係我自己衰..
但當我聽到靚女miss禁溫柔既安慰.....我忍唔住....="=超樣衰......後尾媽媽要我重讀..
咁我就迫住去揀重讀喇.....(其實我係超唔想...我有我想讀既野....不過媽媽唔比)
之後到我個妹中一放榜....本來入仁二中...不過最後竟然加入左侯中大家族.....
18號....戲劇個比賽終於都到.....唔知點解心情比以往既比賽仲緊張...或者係最後一套由老豆寫代表學校比賽既戲掛..
我地最後贏左勁多獎lo...仲一齊拋起左老豆...o個種感覺我仲好記得......

九月...開始我既新生活....對住一班唔熟既同學仔....感覺好怪......
而檀檀就係我既新班主任....都唔知算唔算係好事....第一個月功課就已經多到嚇死我
最深刻就係竟然有英文默書....仲要有背默....都唔知幾多年未試過喇.....
聯課活動我仍然係忠於劇社..就算個阿sir超廢...廢到我真係好想佢咪做導師..佢冇資格

十月....開始覺得每日都好累....學校迫得太緊....勁多既測驗....
2號...係第一次既家庭聚會.....去左老豆o個度bbq....好開心既一日.....
14號...係我一生人..都唔知會唔會再經歷多次....就係學校竟然火燭...叫晒消防員哥哥
真係好難得既經歷...連d老師都係咁講...話教左禁多年書都未試過....

十一月....原來準時放學係好難得既事....lei點我lei個月先感受到.....
13號..家庭聚會...今次去pizza hut食飯.....老豆亦都宣佈"無箱"正式註冊日係2月17日..梓豪生日
23,24號係陸運會.....感覺真係超好....一百米終於都遇到對手..同時地..我終於明白咩係"一鼓作氣,再而衰,三而竭"
同班上既同學仔都開始熟左勁多.....至少可以成班女仔傾埋d衰野..而"婦女會"亦都不知不覺地成立左..

十二月...19號係檀檀既生日....全班唱生日歌....(其實都係想佢唔測驗..哈)
22號學校聯歡....o係lei間學校第六年喇....終於感覺到咩叫聯歡...咩叫成班一齊玩.....
23號學校旅行....都係勁開心既一日...我覺得同lei一班一齊玩真係好開心好開心....
24號平安夜...同翟小朋友漫無目的地行.....渡過左一個開心既夜晚....
25號聖誕節...出左去炮台山....非常無聊....26號.."無箱"聚會...又係開心既一日......