尋晚俾啊海約左去銅鑼灣..
嚮SOGO問口等..
見到著起西裝0既你...
真係有D感觸...
幾耐無見了?
唔記得了....

你話你公司仲有野要跟..
叫我陪你.等你收工...
我答應了..

去到你間公司..
乜咁大咁靚0既.....
仲有D不祥預感..
陪你兜左一個大圈..
都要成粒鐘..
開始後悔跟你過來...

之後仲慘...
陪埋你聽左一個鐘0既講座..
簡直係叫救命!
真係好想掉頭走人!
但眼見你咁多同事..
俾面你,唔想失禮你!
我忍!!!
死都要撐大對眼..終於捱過一個鐘...
點知..點知..
你0個位自以為靚女0既上司
...居然纏著我唔放?
Sale我?逼我入會?唔得!!

我無諗過我今晚會遇到哩d情況..
望一望啊海你哩條荗利!!
哼!!!!見親你都無好野!
算!就當前世欠你!
知你0既立場難做,
我唯有孤軍奮戰..
搵左好多籍口,冷有技巧咁講左好多野..
仲講左好多大話
終於成功避過哩關...

以為可以去吃飯..
啊!!!!!!!!!!!!!!!!!!!!!!!!!!!
又俾啊海班同事拖左去吃飯!!!
同哩D想踢我入會0既人吃飯..
又點會吃得飽..
吃到人地個女背脊骨落咩...
頂~有無人話俾我聽,
今晚發生咩事啊?
勁無耐嘍!!!!!

佢地班野...
居然對我同啊海0既關係有興趣...
我地點識關你地Q事咩?
我同佢係咩關係?
唔係講左4次以上,我係佢朋友咩?
識到佢係我0既福氣?
呸!哩D係緣係債只有我自己最清楚!

當然...我都無咁答..
唔想答..唯有笑....
嘻嘻咁笑...> <

終於聽到啊海你話好攰..要走...
"要走..."
哩句話係我今晚唯一有反應0既說話...
簡直係由地獄升上天堂...

唔理你今晚對我有幾好..
唔理你今晚為我做左幾多野..
唔理你今晚係咪搵我笨..
唔理你今晚有無吃過飯..
咩都唔理..

走出哩個門口,我唔多理你..
自己坐車返屋企!
皆因啊姐心情勁唔爽!
全因為你哩友仔所害!

知你搵我實無好野!
遇見你就等於見到瘟神!