某年春天的一個下午，繁忙的旺角行人天橋上，有著各色各樣的推銷。信用咭、纖體、酒樓晚飯、茶餐廳優惠等，應有盡有。但最令途人爭相走避的，莫過於保險推銷！
「好!企多一粒鐘收工!」一名戇男邊說，邊呼出一口煙霧。恍惚那是他的最後一口氣，濃烈得像汽車廢氣般。正當他準備回復臘像式站立時，一位從天而降的少女悄悄地在他生命中出現。
雪白的膚色，明亮動人的眼睛，雖衣著簡樸，也難掩清麗的氣質；如桃花竇放的臉龐，令人感到無比親切。如此天生麗質，實在世間難求！眼見機不可失，戇男使出獨門秘技《迷縱八步》，以最瀟灑的步伐走到少女的傍邊……
戇男：「小姐你好！我地係紅銅錢保險，而家做緊推廣，請問你有無參加D儲蓄保障計劃呢？」一貫沒趣的開場白，真令人煩悶。
少女：「sorry，我趕時間，你不如問第二個啦！」溫柔的聲線，親切的語調，令人覺得她的拒絕合情合理。
戇男：「唔緊要，我地一路行一路傾羅！我叫『男人』，你點稱呼呀？」
少女：「『四月』。」如此臉厚的人，還是第一次遇到。少女只好停下腳步，希望他盡快說完要說的話，免得他繼續苦苦相纏。
戇男：「啊！咁你咪下個月生日？幾多號呀？」
少女：「我唔係四月生日。」
眼見自己的小聰明錯得一敗塗地，戇男只好轉移話題到保險上：「我地D保險計劃死唔死都有錢，死左就益你老母，唔死就益你自己……」
「你而家趕時間，不如留底聯絡電話，我再聯絡你啦！」一輪廢話後終於入正題。
「……」少女似可非可的低著頭。
戇男：「放心，我地唔會成日打去騷擾你的！」（真的嗎？）
少女：「好吧！278.....。」
戇男：「這個係公司電話嗎？打你手提會唔會方便D呢？打去公司驚阻你做野喎！」
少女：「我手提好少開，這個係我屋企電話。」（又錯了！）
戇男：「咁你做盛行？係邊頭番工？邊D時間搵你方便D？」
少女：「運輸。番機場。我都唔知邊D時間一定係屋企。」
戇男：「運輸？內部文職？」
少女：「唔係。」
戇男：「睇你弱質纖纖，唔會要跟車搬野瓜？」
「有時都要架！」少女心想：為什麼我會跟這個傻瓜談這麼久呢？
戇男：「咁我唔阻你咁耐喇，遲D再聯絡番你啦，Bye-bye！」
人與人之間的相遇，就像有主宰一樣，奇妙得無法相信。
那年是一個令人害怕的春天，奇怪的病菌在肆虐。航空業大受打擊，卻令這兩人相遇，開始了窮小子與公主的故事………