4月30日午夜12點55分，特別的電話聆聲響起，一位期待已久的人來電......
「你近來好嗎？」
「OK啦！妳呢？咁夜都未訓既？呢幾日放假唔洗飛呀？」
「係呀！不過後日就要飛倫敦喇！」
「啊！咁你黎緊星期五有無假呀？長洲太平清醮呀，妳未好想睇既，我地一齊去睇啦！」
「我重係倫敦呀！」
「唔緊要，我地下年先睇o羅！」
「…………你有無拍拖呀？」
「無！」
「之前呢？」
「有，拍左幾個月o羅！」
「點解分手既？」
「頂我唔順o羅，一屋都係妳既野，銀包都係我同妳既相，邊有女仔頂得順架！hehe！」
「你唔試下放低？！」
「要放一早放左啦！做乜咁問既？」
「…………我要結婚喇！」
「…………同你行左八年o個個？」
「係，我地下年結。」
「…………佢對妳好嗎？」
「好，每樣野佢都照顧得我好好！」
「咁妳同佢一齊開心嗎？」
「都開心既，就算唔開心，人總要結一次婚架喇！」
「…………」
「你無野呀嗎？」
「無。…………其實只要我知道妳係開心幸福，咁我已經好滿足！我地係好朋友呀！恭喜妳！」
「多謝！」