其實可以遇到個互相深愛對方嘅人真係好難,需要好多嘅緣份先可以走埋一齊,不過人總係好奇怪,永遠都唔識喺擁有嘅時候好好珍惜,到失去嗰陣先知道咩叫後悔,永遠都唔識得喺遇上呢個人嗰陣好好善待佢,甚至遇到其他誘惑嗰陣我哋會嫌棄身邊人唔夠好,枉枉作出好多比較,會覺得有好多人好過自己身邊嗰個,人哋可以俾到更加多嘢俾自己~~
但係大家又有冇試諗過其實我哋係咪需要去做呢d咁無謂嘅比較?
舉個簡單嘅例子,如果有2個人其他外在條件一樣,但...
1.一個人月薪過百萬佢願意分五十萬俾你去滿足你生活所需
2.一個人月薪一萬佢願意俾一萬你去滿意你生活所需
你會揀邊個同你一齊?我會選擇後者!!因為後者付出嘅雖然好似比唔上前者嘅多,但係佢經已付出佢嘅全部~
有咩幸福得過一個人可以付出佢所擁有嘅全部俾你?
其實一個人願意喺佢能力範圍以內俾到最多最好嘅嘢你,你已經好幸福~其他嘅嘢何需追求太多?慾念係無止境而又係無謂嘅,何需執著?