太陽花宮
7/12-5/1 日久見兇悍

性格:乾淨俐落可靠，唔識通融。
死穴: 認為自己意見係最好
愛情:初初拍拖時你會響情人面前表現得馴如羔羊，但當你漸漸了解對方，你會出口鬧人，而且你對每件事都擅作主章，所以你的情人通常都離你而去。基本上你唔鍾意黐身的情人，你係個超級誠實而且喜歡照顧伴侶的人，當你發現合適對象，你就會奮不顧身去追一個人。
水仙宮
6/1-3/2 花弗大男人

性格:溫柔，對人相當好但容易無記性。
死穴: 唔識表達自我意見，對人際關係感到疲勞，咁又點可以同情人溝通呀！
愛情:你開放大膽並且同一時間可以同好多人拍拖，而且你生活中，有性才有愛例子實唔少，你成日有機會發生婚外情或偷食。不過自己唔負責任同時，你個心好想約束住情人，所以容易令人地因厭煩而分手。
梅花宮　
4/2-5/3 貼身情人

性格:你為人好似好實際，但又最怕寂寞、成日要有好多人響你身邊。
死穴: 紙上談兵
愛情:你對自己對人都要求高，所以做你情人壓力都幾大。你係個怕寂寞的人，只要你遇到合適對象，就會表現出好鍾意佢。其實你仲好想分分鐘黐實佢，但礙於面子問題，你會同佢拍好耐拖先會響佢面前詐下嬌。其實有時吊下佢癮等佢對你緊張，就會有長久愛情。
桃花宮
6/3-4/4 出位桃花王

性格:非常有挑戰心，鍾意受人注目。
死穴: 過分遷就人，小心將身體搞壞。
愛情:你言行舉止連衣著都好出位。你好識得Sell自己，令人對你評價高，而且你好有異性緣，一有目標就立刻行動，成功率相當高。不過，如果你唔想積極於愛情，一定先要去抑制自己喜歡引人注目的行為。但係關於自己過去，你唔鍾意多講，所以有人死纏爛打問你以前戀情，你會好介意。
櫻花宮
5/4-4/5 天煞孤星

性格:總而言之你非常好人，深受大家信任。
死穴: 女性荷爾蒙不足，缺乏戀愛緣分。
愛情:你響同性朋友之間深受好評，不過就似乎缺乏——異性緣，亦因為你缺乏戀愛經驗，令你內心比任何人更想拍拖。其次你缺乏女性或男性荷爾蒙，感覺予人缺少魅力，所以你外表必須表現得性感一些，亦是一個結識異性機會呢！而你不妨主動同人傾偈，令彼此更深入了解。
牡丹宮
5/5-5/6 結婚佳選

性格:個性以自我為主，不善與人來往。
死穴: 易俾人誘惑，俾人感覺輕浮。
愛情:你相當開放，一方面會借醉而同人上床，但對將來又有唔同想法，你會有一個固定結婚對象，要同佢一生一世。平時雖然你俾人悠悠閒感覺，但你係一個非常唔服輸的人，所以你唔會俾自己遭遇大挫折，而且緊要關頭你值得別人依賴，所以你係結婚最佳人選。
桔梗宮
6/6-6/7 二奶命

性格:努力勇敢、浪漫主義。
死穴: 太過執著於某些事。
愛情:因為你唔喜歡將軟弱一面表現出來，所以易俾人認為你好勝，為求達到目標，你會好努力不懈，此外，你最鍾意一些為你著想的情人。而你又嚮往浪漫愛情，因此你多數愛上屬於年紀比你大、有豐富愛情經驗的人，所以你會成為第三者可能性相當高。
蓮花宮
7/7-7/8 活潑風趣

性格:懂得做人道理，做事有時得意忘形。
死穴: 無分寸。
愛情:你識得製造輕鬆氣氛，所以你深受異性歡迎，而你同一些活潑開朗女仔／男仔好快就傾得埋。不過你郁下就發嬲，令情人好苦惱！但你又容易被愛情衝昏頭腦。所以如果你能夠信任對方而且坦率表現自己就可以搵到真正伴侶。
百合宮
8/8-7/9 善變萬人迷

性格:有天才，唔會鬱鬱寡歡。
死穴: 情緒化，好易遷怒於周圍的人身上。
愛情:你好情緒化，心情好時積極多講，心情唔好時邊度都唔想去，但呢種性格反而係你吸引異性魅力所在，令人為你神魂顛倒！同時你會被好多人追求，但拍拖時你會成日因意見不合而發生爭執。基本上你唔屬於愛情專一型，但最終你都會返回情人身邊。
玫瑰宮
8/9-7/10 純情痴心

性格:絕不認輸
死穴: 不善與人來往
愛情:你係一個一拍拖就唔理全世界的人，若果有人背叛你，你唔會完全原諒對方，但另一方面，你又好痴心地等待對方浪子回頭。基本來說，你性格十分單純，所以任何初相識的人都好容易奪取到你的信任，小心俾人呃呀！
蘭花宮
8/10-6/11 膽小婆媽

性格:天真無邪，容易寂寞，但又相當任性。
死穴: 容易感到寂寞，所以別人容易進佔你的心。
愛情:你性格可愛天真浪漫，但交友範圍狹小，只會同順從自己的人一齊。而且你性格苟且，所以就算有意中人，你都唔會向人明確表示，但又好自然成日詐顛納福。互補長短情況下，你鍾意一些有能力並且明白表示出自己意見的情人。
菊花宮
7/11-6/12 性愛高手

性格:好識照顧人，時常自我陶醉。
死穴: 自我意識過盛所以易自尋煩惱
愛情:唔理你外表或內在，你都令人感覺眼前一亮。雖然你予人感覺好隨便，但其實一D都唔係！而你的性經驗相當豐富，連朋友都話好鬼驚的招式你都可能做過，尤其失戀時候就會特別鍾情嘗試唔同Sex招式及對象。