今日又突然諗到個故事…所以又寫低

一對岩岩一齊既情侶係餐廳食飯…男朋友不停望住女朋友…個女仔好唔自然就問個男仔… “你做乜不停咁望住我呀?”…個男朋友就笑住答 “我望住你係想記清楚你每一個樣貌同每一個衣著…當你離開我既時候我都唔會忘記你”…女朋友只係冷冷答左一句 “我唔會記得你個樣同衣著架”…但係男朋友仍然好傻氣咁答 “我知呀…但我記得你就夠”…之後個男仔就不斷去付出佢既感情…但係個女仔仍然係冷冷既對待個男仔…1年之後…個女仔係出面有第2個男朋友就同個男仔講分手…個男仔仍然係好傻氣咁祝個女仔幸福快樂…比個女仔笑得更開心…雖然之後仍然不斷去保護呢個女仔…但由分手個日開始…呢個男仔已經唔識得再笑…每日都只係飲酒去解除佢既痛苦…而性格亦由好動開朗變成沈默冷酷…每逢一個人都會落bar解悶…而個女仔生活得好幸福快樂...雖然個女仔仲有同個男仔聯絡…但每次所提及既都係個女仔同佢男朋友既幸福…完全冇理會同關心個男仔…個男仔雖然好痛…但仍然祝福佢地…



直到有一日…個女仔發現原來佢男朋友出面一直有第2個女朋友...極度傷心之下突然諗番起個男仔昔日對佢既好…所以決定去搵番呢個男仔…好想補償番一切…但係由於個女仔好耐都冇聯絡過個男仔…而且打電話俾個男仔亦冇人聽…所以佢就係個男仔屋企樓下等佢返黎…等左幾個鐘…個男仔終於出現…個女仔就好開心咁攬住個男仔同佢講 “我唔會再離開你…我會好好珍惜你架…我會清楚記得你每一個樣貌同每一個衣著”…但係出奇既係個男仔推開左個女仔…之後仲問 “小姐…你係咪認錯人呀?...我唔識你喎” 個女仔聽完呢句之後好突然…佢不停咁講 “你唔記得我?...我係你以前女朋友呀…你做乜事呀?”…男仔就答 “我真係唔識你喎…你應該係認錯人”…女仔好嬲咁講… “你話過唔會忘記我…你會清楚記得我每一個樣貌同每一個衣著架…你依家同我講你忘記左我?”…個男仔就話 “如果你係我以前女朋友我又點會唔記得你”…之後就繼續問個女仔 “你話我係你以前男朋友…咁我以前既樣貌衣著係點?”…個女仔唔知點答好…因為佢從來都冇真正留意過個男仔…而且冇放係心裡面…個男仔見到個女仔啞口冇言就話… “你連我以前係點都唔知…點會係我女朋友”…之後個女仔不停咁喊… “我真係你女朋友…你之前好愛我架…點解依家會變成咁”…男仔好笑咁答 “你連我之前係點都唔記得…你愛我都真係好有限…對唔住…我唔係你男朋友…我真係完全唔識你”…個男仔就慢慢離開…之後個女仔係個男仔d friend口中知道…原來係佢地冇聯絡既期間…有一晚個男仔飲完酒之後撞左車…因為腦部受創…令佢失去某部份記憶…偏偏佢失去既就係同呢個女仔既記憶…個女仔好後悔當初點解要咁對個男仔…點解唔識珍惜佢既好…點解令佢依家忘記左自己…



如果時光真的可以重來, 這一切就不會那麼珍惜