『相識的二十天』

【第六天】(下篇)

果然，有我帶住好d囉，起碼我都平衡到佢，除非佢拉住我跌姐，如果唔係神仙都幫佢唔到= ="
踩到咁上下，佢就開始問我好多問題~"~


珮：係呢~，你有冇拍拖架？唔見妳同女友傾電話既？

我：我…？我冇架，我都未拍過拖

珮：哦~~咁你有冇鍾意既人呀？

我：下…我都唔知呀，我都唔知鍾意一個人係咩感覺既

珮：其實鍾意一個人係好奇妙既感覺

我：咁妳講唔講得出係咩感覺？

珮：傻既，講得出就唔係感覺啦^^

我：車~~~(講左等於冇講)

我：咁妳係咪拍過好多次拖架？

珮：唔係呀，四次到喇

我：哇！好多= ="

珮：下…咁都叫多？！咁有d人廿幾次咁點

我：個d係天文數字= =""

珮：哈！白痴- -


可能珮已經開始識踩，而家唔洗拖住我已經唔會跌…其實我都冇咩點教過佢= ="
突然，我電話響起，我一睇來電，係儀！！我差d忘記左佢既事…我好失敗呢…


我：珮，唔好意思，我聽一聽電話(已經跑出場外)

我：喂？阿儀，妳點呀？妳知唔知我好擔心妳呀，，，

儀：對唔住呀

我：點呀，拉唔拉到個賤人？

儀：未呀…不過佢地話會努力查…

我：搞錯呀！！！佢地點做野架？！！！(我feel到好多人望住我)

儀：你唔好咁啦，佢地都話努力查，咁我只可以等消息姐

我：對唔住呀，我咩都幫妳唔到…

儀：唔緊要啦，你關心我同擔心我，我已經好開心架喇，因為有你呢個朋友

我：咁我可以做到d咩？

儀：你幫我打佢小人啦，哈哈

我：妳仲有心情講笑喎(我知道佢仲係好唔開心…)

儀：咁唔係可以點喎，，

我：我…我…

儀：唔講喇，我媽咪搵我…遲d傾啦…

我：下…咁……咁……好啦…妳小心d呀！

儀：我知道架啦，好啦~88

我：88~


雖然收到阿儀個電話，但我仲係好擔心佢，我好想幫到佢…


珮：喂！做咩傾完個電話咁既樣既？

我：下…冇野呀，，

珮：講啦，講完出黎舒服d架

我：對唔住，我唔想講呀

珮：咁…算啦，我地繼續玩好冇？

我：唔喇，我冇心情玩…對唔住…

珮：下…唔緊要啦，咁下次再玩過啦，好冇？

我：好呀，多謝妳

珮：傻既，洗咩多謝^^


就係咁…我同珮分手了…我返屋企等阿儀，返屋企其間，A同學打俾我


A：點呀，同條女玩得開唔開心先？係咪仲玩緊呀？

我：一般啦，我走左啦

A：點解呀？！上天安排個咁好既機會你，你雖然咁早走？我問你！你對唔對得住個天，對得住我！對得住你自己！

我：有咩機會姐…唔洗講到咁嚴重嘛…咁我心情唔好點玩姐，咪走囉

A：我頂你個大少爺丫！學人玩心情添

我：……(無言)

我：算啦，唔講住啦

A：吼！激死我啦，係咁啦！

我：88…


我而家心情跟本咩都唔想諗，我剩係想儀打俾我…雖然…我返到屋企打黎既唔係儀，係珮，都係傾埋d下次約會既事，
但我都好努力望住個電話，機不離手，電腦長開由佢壞，但到左好夜…都仲未見儀既影子出現…不過電話號碼都未出現，
我好想知道個賤人係邊個…等到兩點幾，我隻眼皮已經開始關閉，完全好似唔知做緊咩…直至我不知不覺咁…訓著左。

《下集繼續第七天》