※※小說需要你們的支持才能繼續下去※※

『相識的二十天』

【第七天】(下篇)


我都好耐未去過海洋公園啦~不過冇諗過咁突然姐，仲要係同女仔單獨去就更加冇諗過，如果係同阿儀去既，
唔知我既心情又係點呢？唔知我又會唔會有機會同儀出下街咁呢~哈哈！

不知不覺，巴士已經到達左海洋公園~


珮：好野!!!~~終於到喇

我：頭先妳都好勁姐，咁快可以訓著，搞到我勁悶= ="

珮：唔緊要啦~而家開始唔悶咪得囉@@

我：唉…入去啦

珮：洗唔洗唉呀，打你丫啦

我：野蠻女仔- -"

珮：呵~~~

我：而家去邊先呀？我好耐都未黎過喇

珮：咁我地塔攬車上山先啦~

我：好~~~~


我地排隊既期間好多人望住珮，可能因為佢真係靚女啦，不過我都唔靚仔，所以佢地都用奇怪既眼光望我點解可以咁
上左車之後珮問左我一條問題。


珮：你鍾意d咩既女仔架？

我：下…我都唔知呀

珮：唉…乜你咁答我架…

我：咁我唔知點答丫嘛…

珮：咁做你女朋友洗唔洗一定靚女？

我：咁我又唔洗，因為自己都唔係咩條件，又何要求呢…

珮：咁如果我話我鍾意左你咁你會點？

我：下…！？


唔係嘛…突然話鍾意我？妳仲要係一個靚女，點會睇中我架…我係咪發緊夢= =，而且…我同妳識左又唔係好耐，
妳咁快話鍾意我？有冇d搞笑呢…


珮：我講真架…

我：乜妳好？易鍾意人既咩？

珮：都係架

我：咁妳咪好易一腳搭兩船既人囉

珮：以前就係，不過而家已經冇啦，我想要d真係到老既愛情…

我：哈!~~

珮：咁你鍾唔鍾意我呀…

我：下…我……其實當妳朋友咁咋…妳話兩日就鍾意妳有咩可能，同埋我都唔知妳鍾意我咩…

珮：我鍾意你夠純囉

我：咁我咪好易俾妳呃@@

珮：我唔呃人架，好賤格！

我：咁都好d~~

珮：咁你可唔可以試下同我一齊呀？可能遲d你都會好鍾意我呢…


哇…d問題越黎越不安，我真係要諗過第二個話題先得，如果再咁落去我都唔知點好


我：今晚妳諗住幾點返屋企呀？

珮：………


佢唔出聲，沉默左一陣，做左一個好大膽既動作……佢……佢……攬住我！！！！！！！
唔係搵d咁既野搞下嘛…我第一次咋喎，我個心不定係咁跳，上次就同妳拖手，今次就同妳攬，救命！
我想大叫非禮@@，我想推開佢，但佢用力攬住我，佢仲望住我，冇幾耐…佢咀落黎！！！
我頂！我既初吻呀！！！！我係咁叫唔好，但佢都要係咁錫我，佢足足錫左我5分鐘…
個5分鐘，唔知點解我開始冇推開佢既動作，唔通，咁叫我接受左？


珮：我真係好開心呀…

我：妳……

珮：對唔住呀…我真係鍾意你…

我：咁妳就要咁做？

珮：我忍唔住，我聽見你想轉移話題既時候我唔開心，我就忍唔住…

我：妳知唔知咁樣可能影響到我地既友情架…

珮：唔好呀>< 我唔想冇左你呀！

我：………


車到站…我同佢一齊落車，落車之後一路行，就一路冇講野，行行下，我電話響起…係阿儀打黎，
唔知點解我個心有d怪怪地…

我：珮，妳等我一陣，我聽電話…

珮：好……


儀：點呀~~你係邊度呀？

我：下……冇呀…同個fd出左去食飯啦…

儀：係咪女仔呢~~

我：唔…唔係呀，男仔黎架…

儀：哦~~見有d掛住你咪打俾你囉XDXD

我：哈…哈…係咩……

儀：做咩你好似怪怪地咁既…

我：係咩？！冇呀~~

儀：咁你同你個fd食飯啦，一係我地遲d先傾啦~

我：咁好啦

儀：拜拜~


點解……點解我要對住儀講大話，我明明同緊個女仔一齊，點解我要話係男仔，，我明明係海洋公園，，，
點解我要話係去食飯，到底我搞咩…


我：珮，唔好意思…

珮：唔緊要…我地玩啦，好冇？

我：好啦…


我地玩左好多野，但我腦海不停諗起頭先佢咀我既畫面，就連食飯，我都唔敢望住佢…
玩到咁上下已經5點幾…我地都準備走…突然佢拖住我隻手…但我冇推開佢，難道…我已經接受左佢？
但我見到佢知道我冇推開佢隻手，佢笑左出黎，係好開心既笑…
我地塔車走個陣佢仲訓左落我度…


珮：老公…

我：下…？？

珮：好野！！！~~~~~~~~~~你係我老公lu

我：下…咁都得？

珮：下…你又俾我拖又俾我訓係你度，仲唔係我老公…？

我：其實…我仲未有心理準備…

珮：我會俾時間你架，只要你鍾意我就得架啦>< 唔好唔要我呀，嗚…

我：我都唔知呀…

珮：唔理呀~~


我返到屋企，好認真咁諗…不停咁諗，我係咪鍾意左佢，你呢一刻問我，我又覺得好似係…不過唔係好強烈囉…
但我又諗到阿儀…真係夜晚唔好諗人，一諗阿儀，阿儀就打黎…


儀：哼哼哼！你都唔掛住我既><

我：下…？做咩呀？

儀：你唔打俾我囉><

我：冇呀…頭先有野做緊嘛

儀：係咩…咁算啦，咁你而家有冇掛住我呀？呵呵

我：我……我……其實………

儀：其實咩呀？？？

我：都係冇野…

儀：快d講呀！！！衰人！其實咩呀？！

我：冇…我想話其實…我好累之嘛……

儀：下…你係咪病左呀？

我：唔係呀…今日同個fd行到好累之嘛…

儀：哦~~~你同個男仔fd食飯，然後行街？

我：係…係呀…

儀：咁好啦，你早d訓啦…聽日我打俾你啦

我：好啦~~拜拜


我又再一次對阿儀講大話…同埋做咩我講唔出個其實既…我好煩呀而家…
唔知自己做咩事…都係聽日問要個A同學意見先…而家早d訓，因為我都真係好累…




《下集繼續第八天 》
======================================