幾個無所事事的女生走在一起，大概也會講男仔經。

未拍拖又恨拍拖，充滿幻想的「稚氣妹妹」問：「究竟，佢有女朋友未？」；過了期也未拍拖，但口中又不認恨拍拖的「怒氣姐姐」會答：「算啦，而家既男仔好唔掂，你都係睇定D先啦。」；過了期還了霉，己把感情看化了的「大大家姐」勸大家話：「你地要好好把握緣分，唔好學我以前咁腌尖同專制啦，如果唔係就會好似我而家咁可憐架啦。」

幾個月後，這幾個女生走在一起，奇蹟地大家已找到碼頭。終於有初戀的「稚氣妹妹」問：「佢成日都係街度望其他女仔，佢係唔係唔鍾意我呢？」過了期話不恨拍拖但而家又拍拖的「怒氣姐姐」答：「唉，我果個仲衰，佢成日同佢個女同事煲電話粥添，同我傾電話就係咁意。」最高年齡及功力的「大大家姐」勸大家話：「大家唔使擔心，世上所有男仔都係花心既，唔花心就唔正常啦。嗱，我個男朋友剛剛先同佢個前度女友入完Camp……D男人出去玩完就返黎架啦，無事既！」

不大明白男人心理的「稚氣妹妹」及「怒氣姐姐」正小心聆聽，虛心學習。

「大大家姐」繼續教訓大家話：「我以前就係唔識男女處之道，我個男朋友只不過係條街度望吓女仔，我就嬲，發脾氣。佢同女同事傾吓電話，煲吓粥我就話分手。結果，你地有眼見啦，我以前D男朋友全部都走哂，佢地話我太專制，太唔明白男人既需要咁話。」

「稚氣妹妹」非常聰明，一點就明：「咁即係話，因為男人天生就係花心既，佢地自然就會望D唔應該望既野，諗D唔應該諗既野，同埋做D唔應該做既野啦。」

「怒氣姐姐」轉數也跟得上：「我明白啦，我男朋友其實都唔想同果個女同事煲粥既，因為佢個樣的確係靚過我。花心係天生既，既然係咁，無辦法啦。」

「話時話，既然佢女友同事靚過你，咁點解，佢唔同佢個女同究拍拖，而同左你一齊既？」

「一，因為係我追我個男朋友既，佢話我方便就手喎。二，我應大則大，應細則細，合哂佢心水。」

「大大家姐」繼續分享心得：「所以話，姊妹們，經驗化談，我地一係要Keep到個靚樣，一係要Keep到正身材。如果你個男朋友係出面花吓心玩吓，咁咪由得佢囉，因為呢D係自然現象，。佢係出面花得咁上吓，自然又會記起你。」

「稚氣妹妹」漸生憐憫：「既然花心係天生既，即係佢地都唔想啦。如果我地成日係度大吵大鬧，其實對佢地好唔公平，好似好唔體諒佢地咁。」

「怒氣姐姐」正義之言：「我地實在係唔應該再話佢地，呢D係性別歧視……我地要幫佢地。」

「無錯，我地要幫助佢地，繼續愛佢地……」

「姊妹們，我地一齊為花心乾杯！」「乾杯！」

以上是一個心理及生理正常的男生，常常幻想之烏托邦的故事。

這個故事，比《大長今》更吸引、更正面及更積極－－對男生而言！