《女人恨心，男人多心》
自古以來，女人比人嘅感覺係心軟、多心、拖泥帶水，唔能夠揸定注意。相反，男人就比人神化起來，形造成鐵面無私、能幹、決絕。

日常生活中係唔係咁呢？就見仁見智啦！

事實上，係感情方面就絕對唔係咁！
女人係感情方面，從來都係『決絕』。只要唔愛，就算係做一樣，一百樣野去感動佢，佢都只會冷冷去睇一眼，邊會感動。係佢心中只有心煩，一百樣感動嘅事，都會變成煩嘅騷擾，女人只會為佢心動嘅人而感動。只要佢愛你，你做嘅所有事都會感動到佢。所以，如果你真係感動到一個女子，其實無咩野架，只不過佢鍾意咁解喞。唔係o個件事本身，而係愛情令佢感動。當一個女人對自己嘅男朋友失去感情，唔再愛佢嘅時候，女人都係決絕嘅。唔會再比任何機會你，所以，如果你嘅女朋友仲可以比機會你，咁佢仲係鍾意你囉。根本無想離開嘅念頭，只係一時氣上心頭。

而男人又會點呢?

男人係『多心』，充滿同情、拖泥帶水。係感情上，佢地經常會比女人感動，但佢唔係鍾意o個個人架。只係同情、唔忍心、或者，間中想搵着數！呢D人，你遇過嗎?

當一個男人唔愛佢嘅另一半嘅時候，佢地又唔可以決絕。就連分手都唔想講出口，只係想用態度去趕走佢，甚至分手之後，都唔會推卻前度嘅熱情，拖……泥….帶水。

當唔愛一個人嘅時候，要同佢一生一世係好痛苦。男人總係咁樣，點解男人會咁唔爭氣，害…人..害..己..。各位男士清醒一下啦！！！自己係唔係愛身邊o個個呢？？？愛佢就要珍惜佢，唔好令佢為你傷心。你嘅同情心，你嘅感動，留番比身邊o個個人啦！！唔好周圍派比一d你根本唔鍾意嘅人，當你身邊嘅人需要你嘅時候，你係唔係正在同另一個無關重要嘅走在一起呢？？？

男人呀！男人！請不要再傷害你身邊愛你嘅女人好嗎？請好好珍惜你身邊的傻女人啦！！

女人呀！女人！如果你身邊嘅伴侶唔再愛你,請不要再為他留淚。因為，你只係無左一個唔愛你嘅人。最大嘅損失係佢地，因為，佢無左一個真心愛佢嘅人。

祝天下情侶終成眷屬