無論係女人、女仔都需要人愛嘅!!!!諗下!!當初你見到佢嘅時候，嘩!!你幾咁開心，佢一舉手一頭足，都係讓你咁注意。依家佢同你一齊左，大多數女仔都會幫男朋友諗：「佢咁累，唔好出街啦！d野咁貴唔好食咁貴啦！」但係，其實你有無留意到當佢話唔洗嘅時候，佢眼睛都係有d嘅期待呢???或者，男仔會諗：「都咁熟啦！有d野，唔洗啦！送花?唔洗啦！」係女仔嘅角度都唔會點樣講出口！因為，佢真係愛你。但點解男人唔間中做一次呢？例如：係情人節，製造一d浪漫。聖誕節，加d驚喜。你會發現佢次次都話唔在意，但其實當佢收到嘅時候，係幾咁開心。就唔係成日話唔洗啦！都拍左拖咁耐，又或者結左婚啦！慳啦！慳啦！一切都慳啦！唔知點解女性總係為左男朋友而唔咁開口要求。原因，只有一個，就係佢愛你。但點解男性唔可以為女性諗多d做多d野。

如果你對佢好d，你會發現佢會好感動架。既然，你愛佢，點解唔放多d心思係佢身上呢？？？所謂「用心」，唔係剩係用時間花係佢身上，係要探尋佢嘅內心。學着去懂佢，佢需要d乜野呢？佢想表達而又無講出來又係d乜野呢？

只要男人肯用心，都會發現到佢一舉一動，其實都係表示佢對你嘅愛係無可取代。其實，好多時候，有好多小事情，小動作都係有含意嘅。如果你唔用心去體會，當有一日佢離開左你，咁就太遲啦！

兩個人能夠相遇、相識、相愛唔係咁容易架！『愛情』唔係剩係鍚就得，而係要用心去體會。

當你搵到一個願意同你心靈相通嘅女仔，一個肯願意為你付出一生嘅女人，咁佢嘅快樂同幸福，就係你嘅責任。女人嘅心，男人唔能夠去保護，你仲有咩資格談情說愛呢？

有d野唔需要女仔講出口先至做。不過，我覺得男性總係追到女仔之後，就唔會係追嘅時候咁認真嘅。你有無反醒下呢？？？

男性總係變得自私，只係想女朋友比多d愛多d愛，但係又對女朋友嘅愛一點一滴咁減少，所以，當你身邊有一個伴侶嘅時候，其實，係唔係要更加認真同用心，盡量比到最好嘅野佢，咁你先唔會辜負佢呀?不竟，當一個女仔選擇左你，你應該有嘅責任同義務去好好對佢。

就算你真係唔愛佢，請你都唔好傷害佢個心。其實，女仔個心真係好脆弱架。

有時，當你一個人靜下來嘅時候，請你靜心想下佢對你付出過嘅愛。係唔係你想像中咁差?

希望，我今日所寫嘅文章，能夠啟發到每一個男性，要好好珍惜身邊愛你嘅伴侶。我真係唔想你有後悔嘅一日。