奇妙美少年 ~ 4

第二天早上 , 涼平依然好似昨日咁 , 點算呢 ?

龍一 :「喂 ! 慶太 , 涼平佢常常都係咁 , 唔係辦法架喎 ! 不如我地幫下佢啦 ?」

慶太 :「都好 , 咁你有咩辦法呀 ?」

龍一 :「呀......冇喎 !」(笑)

慶太 :「你真係o也 ! 唔......」

慶太思考片刻。

慶太 :「呀 ! 我諗到一個辦法 , 應該行得通。」

龍一 :「下 ! 咁快諗到 , 快D講俾我聽啦 !」

慶太 :「你遞隻耳仔埋黎o也 ! 咁咁咁......好唔好呀 ?」(細聲)

龍一 :「慶太 , 你真係好野 , 咁o既辦法你都諗到。」

慶太 :「緊係啦 ! 我咁聰明 ! 咁琪琪o個邊我負責 , 涼平o個邊就你負責。」

龍一 :「就咁決定啦 ! 今晚行動。」(笑)

現在係晚上8點左右 , 大部分人應該係睇紮電視 , 而呢個時候 , 琪琪屋企o既電話響起......

琪 :「來啦 ! 喂 ! 呢度係天海家 , 請問搵邊位 ?」

慶太 :「喂 ! 琪琪 , 我係慶太呀 ! 我有D事搵你。」

琪 :「慶太呀 !你搵我有咩事呀 ?」

慶太 :「係咁o既 , 我想問你今個星期六得唔得閒 ?」

琪 :「得閒 , 做咩呀 ?」

慶太 :「我哥哥俾左D幻想樂園o既票我 , 我想請你同小燕一齊去 , 唔知你去唔去呢 ?」

琪 :「好啊 ! 我都好耐冇去過喇 !」(開心)

慶太 :「咁星期六早上11點o係樂園門口等。」

琪 :「無問題 , 到時見啦 ! 拜拜。」

慶太 :「拜拜。(收線)哈哈 !!! 得左 , 唔知龍一搞掂未呢 ?」

睇龍一邊 , 佢正在打電話俾涼平。

涼平 :「來 , 喂 ! 呢度係千葉家 , 搵邊位 ?」

龍一 :「喂 ! 涼平 , 係我呀 !」

涼平 :「係龍一呀 , 有咩事呀 ?」

龍一 :「我想問你星期六得唔得閒 ?」

涼平 :「得閒 , 我都冇野做。」

龍一 :「咁一齊去幻想樂園玩啦 ! 我有票 , 我已經約左慶太架喇 !」

涼平 :「是但啦 , 冇所謂。」

龍一 :「咁星期六早上11點 , o係幻想樂園門口等 , 唔好遲到呀 !」

涼平 :「嗯 ! 拜拜。」

龍一 :「Yeah ! 搞掂 , 覆返個電話俾慶太先。(撥號碼) 喂 ! 慶太呀 , 我呢邊搞掂喇 , 你呢 ?」

慶太 :「啊 ! 龍一呀 , 我都搞掂喇 !」

龍一 :「到時一定好好玩o者 !」(笑)

慶太 :「係呀 ! 咁到時我地唔好做電燈膽喇 !」(笑)

龍一 :「緊係啦 ! 好啦 , 聽日見 , 拜拜。」

慶太 :「拜拜。」

-------------------------------------------------------------------------------------------------------------------

日子一日一日咁過,而星期六亦來臨啦 ~~~~

龍一 :「喂 ! 慶太,我現在好興奮啊 !」(笑)

慶太 :「我都係呀 ! 喂 ! 涼平來了, 等陣小心行事呀 ! 」(笑)

龍一 :「我知點做o架喇 !」

另一邊......

琪 :「家姐,快D啦 ! 遲到喇 !」

燕 :「知喇 ! 咁緊張做咩喎 ! 哦 ! 唔通......你鍾意o既人都有來 ?」(笑)

琪 :「行啦 !」(不理會)

過左一陣......

琪 :「佢地o係前面呀 ! 噫 ! 家姐 , 你睇o下邊個黎左 ?」

燕 :「呀..............」(緊張)

琪 :「慶太 , 對唔住呀 ! 我地遲到。」

慶太 :「唔緊要 , 男仔等女仔係應該o既 ~~」

龍一 :「好喇 ! 我地入場喇 ! 」

琪、燕 :「嗯 !」

涼平 :「慶太、龍一 , 點解琪琪會黎架 ?」(細聲)

慶太、龍一 :「幫你囉 !」

涼平:「o下...............」

龍一 :「o下咩呀 ! 快D喇 !」

琪 :「不如玩過山車先呀 ?」

燕 :「我唔玩呢樣得唔得呀 ?」(害怕)

慶太 :「唔使怕 , 我地都一齊玩 , 所以你都試o下玩啦 !」

燕 :「好啦 ! 我試o下啦 !」

龍一 :「涼平 , 好機會 , 你坐琪琪隔離 , 佢一驚就會捉住你 , 你乘機安慰佢 , 增加對你o既好感。」(細聲)

涼平 :「我知點做喇 !」

去到過山車旁......發生一D出乎意料o既事.........

琪 :「家姐 , 你坐涼平隔離。」(推涼平、燕坐低)

燕 :「妹..............」(坐下)

涼平 :「喂..............」(坐下)☆過山車o係雙人座位☆

琪 :「我坐後面得架喇 ! 你要睇住我家姐呀 , 佢好怕玩呢D咁刺激o既遊戲。」(後面o個個係慶太 , 再後面係龍一)

過山車開始上升。

慶太 :「琪琪 , 咁唔怕咩 ?你家姐........」

琪 :「唔怕 , 涼平o係佢隔離呀嘛 ! 嘩 ! 要衝落去喇 ! 哇 ~~~」(大叫)

此時 , 慶太望住琪琪 , 見到佢咁開心 , 心裏突然有一種奇怪o既感覺。

慶太心想 :「又係呢種感覺 , 究竟我.......」

過山車終於停左 , 5人落車。

龍一 :「真係好玩呀 !」(開心)

琪 :「係呀 ! 家姐 , 你冇事呀嘛 ?」

燕 :「我冇事 , 原來都幾好玩架喎 ! 哇 ! 前面有鬼屋呀 ! 不如入去玩囉 ?」(興奮)

琪 :「好呀 ! 好呀 !」

5人入場。

慶太 :「涼平 , 你識做啦 ?」

涼平 :「嗯 ! 我明白架喇 !」

今次由琪琪同涼平帶頭行先。

涼平 :「你驚呀 ?」

琪 :「邊個話 , 我先至唔驚。點解好似愈來愈黑同愈來愈凍o既 ?」(周圍望)

佢地行行o下 , 突然有一個木乃伊彈起身........

琪 :「哇 ?!」(自然反應 , 當然係挨o係涼平心口)

涼平塊面立即紅起來 , 點算呢 ?

涼平 :「你.......你唔係唔驚架咩 ? 何況呢D係人扮o既。」(涼平個心跳得好快)

琪 :「咁佢突然間彈出黎 , 係人都驚啦 !」

佢地繼續前進 , 一路上 , 琪琪都係捉住涼平隻手 , 涼平當然開心 , 但係..........

慶太 :「點解我個心好似俾刀割咁痛o既 ? 唔通我真係鍾意左佢 ?」(望住琪琪同涼平)

出左鬼屋後 , 佢地去左一間餐廳食午餐 , 不過涼平o既心情仲係好混亂 , 唔知點樣面對琪琪。

琪 :「家姐 , 你o係鬼屋入面驚唔驚呀 ?」

燕 :「少少啦 ! 不過我覺得好好玩 , 而且我仲有兩個猛男o係身邊。」

龍一 :「冇錯 , 我地就係猛男三人組。」

龍一呢句說話引到人家捧腹大笑。

龍一 :「噫 ! 有野食。」

慶太 :「大胃王要開動啦 !」(笑)

琪 :「家姐 , 食完之後再玩過囉 ?」

燕 :「嗯 !」

佢地一邊食一邊講笑。食完之後 , 佢地再去玩埋其餘o既遊戲 , 大家都玩得好開心。

琪 :「嘩 ! 係摩天輪呀 ! 我好想玩呀 ! 家姐 , 去囉 ?」

燕 :「好呀 ! 我都想要好耐。」

龍一 :「我唔去喇 ! 我很累 , 你地去啦 ! 我o係度等你地。」

琪 :「少有喎 ! 平時咁生猛o既龍一竟然都會嗌累。你唔去 , 咁我地4個去喇 ! 我地有4個人 , o岩o岩好2部 , 家姐 , 你快D同涼平入去啦 ! 我同慶太坐後面o個部得架喇 !」

涼平 :「但係我........」

琪 :「我咩呀 ! 快D入去啦 ! (推) 慶太 , 我地都入去喇 !」

慶太 :「嗯 !」

係涼平同小燕o既廂裏 , 氣氛有D沈重。

燕 :「係喇 , 涼平 , 我可唔可以問你一個問題 ?」

涼平 :「可以 , 你問啦 !」

燕 :「你現在......有冇鍾意o既人呀 ?」

涼平 :「你點解突然咁問呀 ?」

燕 :「你咪理啦 ! 快D答。」

涼平 :「.........有。」(遲疑左一陣)

燕 :「係呀 , 咁冇野喇 !」(失望)

涼平 :「做咩呀 ? 小燕 , 你係咪有事呀 ?」

燕 :「冇事 , 隨口問o下o者 !」(苦笑)

而o係慶太同琪琪o既廂裏 , 氣氛就好好。

琪 :「慶太。」

慶太 :「o下........咩事呀 ?」

琪 :「你做咩呀 ? 今日成日都心神恍惚o既 ?」

慶太 :「係咩 ?! 啊 ! 你睇 , 日落呀 !」(指向日落方向)

琪 :「係喎 ! 好靚呀 !」(靠埋窗睇)

慶太望住琪琪 , 佢個心又開始急速跳動。

琪 :「我諗我睇咁多次日落最靚都係呢次。(開心) 噫 ! 做咩望住我呀 ! 我塊面污遭左咩 ?」(望住慶太)

慶太 :「唔.........唔係呀 !」(回避)

冇幾耐 , 佢地落到地面 , 走去搵龍一。

慶太 :「喂 ! 龍一 , 我地走喇 !」

龍一 :「哦 !」

琪 :「你冇事呀嘛 , 大胃猛男 ?」(取笑佢)

龍一 :「我冇事。」

涼平 :「已經差唔多7點喇 ! 我地送你地返去啦 ?」

琪 :「o下 ?! 你轉死性呀 ?」

涼平 :「行啦 ! 送你返去仲咁多野講 !」

琪 :「哼 ! 我又冇叫你送 , 你可以唔送架 !」

涼平 :「你..........」(慶太制止涼平)

慶太 :「涼平呀 ! 我地行啦 !」

過左一陣就到左天海家o既門口。

燕 :「多謝你地送我地返黎。」

三人 :「唔使客氣。」

琪 :「多謝你 , 慶太 , 我今日玩得好開心。」

慶太 :「咁就好啦 !」(笑)

琪 :「咁再見啦 !」

三人 :「再見。」

琪 :「喂 ! 下次再一齊出去玩啦 ! 拜拜。」(微笑)

呢個影像深深咁印o係涼平、慶太同龍一o既心裏面。

-------------------------------------------------------------------------------------------------------------------

星期日,在Studio裏..........

涼平 :「唔知負責教我地跳舞o既係個點o既人呢 ?」(期待)

龍一 :「好緊張呀 ~」

慶太 :「片山先生黎啦 !」(指向門口)

片山走近三人~~~~~

片山 :「你地好準時喎 ! 咁我首先介紹你地o既排舞老師俾你地識 , 呢位係堂本泉先生。」

泉 :「你地好。」(走入黎)

三人 :「堂本sir ?!」(驚訝)

泉 :「噫 ! 乜係你地呀 ?」

片山 :「你地識架 ?」

泉 :「佢地係我而家教緊o既學校o既學生 , 亦都係我負責o既社團成員之一。」

片山 :「Dance Club ?! 咁就好喇 ! 以後方便得多喇 !」

龍一 :「堂本sir , 點解會係你o既 ?」

泉 :「哦 ! 其實我已經o係度教左好耐架喇 , 而且我同片山係好朋友 , 佢請我幫佢教跳舞 , 我咪答應佢囉 !」

片山 :「係喇 , 你地要好好練習 , 因為下個星期開始 , 你地要在涉谷附近做街頭表演。」

涼平 :「o下 ?! 街頭表演 ?!」(瞪大眼)

片山 :「唔使緊張 , 你地只要做出平時o既水準就冇問題 。慶太 , 我等陣會俾新歌
o既歌詞同錄音帶你地 , 你地要好好練歌同練舞 , 要加油呀 ! 我走先喇 ! 拜託你喇 , 泉。」

泉 :「OK~好啦 , 我地要開始練習啦 !」

三人 :「係。」

練完舞後 , 三人在街上.............

慶太 :「真係估唔到教我地o既會係堂本sir。」

龍一 :「係啦 , 我都嚇左一跳。喂 ! 涼平 , 你做咩呀 ?」

涼平 :「o下 ! 我冇野呀。」

龍一 :「你咁o既樣 , 鬼信你咩 ! 你肯定有事 , 快D講 , 如果唔係我爆你大獲。」

涼平 :「好啦 ! 好啦 ! 我講啦 ! 係咁o既 , 你地記唔記得今個星期六係咩日子呀 ?」

龍一 :「今個星期六.............」

慶太 :「係琪琪同小燕o既生日。」

龍一 :「係喎 ! 我明喇 , 你諗緊送咩俾佢地。」

涼平 :「係o也 ! 但係諗極都諗唔到。」

慶太 :「唔...........我諗到一份好好o既生日禮物 , 不過呢份禮物要我地三個一齊做先至送到俾佢地。」

涼平 :「係咩呀 ? 你快D講啦 ~」

慶太 :「咁你地好好聽住喇 ! 頭先片山先生咪講過我地要o係下個星期做街頭表演
o既..........」

龍一 :「.........我知喇 ! 你係想利用我地o既舞蹈當做一份生日禮物送俾佢地。」

慶太 :「冇錯。」

涼平 :「你真係厲害 , 咁都諗到 , 但係我地做唔做到呀 ?」

慶太 :「一定得架 ! 所以我地要更加努力練習。涼平 , 咁約佢地出黎o既重任就交俾你啦 !」

涼平 :「我 ?!」

慶太、龍一 :「緊係啦 !」

待續