奇妙美少年 ~ 5

為左呢個星期六,佢地3個每日都努力練習,由放學練到夜晚 7、8點。

琪 :「你o地3個呢排做咩呀?一放學就唔見人。」

龍一 :「冇野呀~~~」

琪 :「冇野?!」

涼平 :「真係冇野呀!」

琪 :「慶太,你咁好人,你一定會講俾我聽o既~~~」

慶太 :「真係冇野呀!你唔好咁多疑啦!!!」(3個扮冇事)

琪 :「算啦!既然連慶太都咁講,咁我就唔問啦!快D食喇!就快要上堂。」

一到放學............................

琪 :「佢地又係咁,等我跟埋去睇下你地咩先。家姐,我約左人,你自己返屋企先啦!拜拜~」(衝出課室)

燕 :「唔好咁夜返呀!」

琪 :「知喇!」

琪琪一直跟o係3人後面。

琪 :「噫!佢地上左去喎,究竟係邊度黎o既呢?」

琪琪跟住上去。

琪 :「係呢度喇!門口寫左D野喎,睇下先。~~~~~咪即係練野o既地方?!『不是本教室學生不得進入』,佢地黎呢度做咩呢?算啦!而家都係時候返屋企,聽日再問佢地啦!」(原來係個肚打緊鼓,想返屋企食飯)

第2日o係課室裏..............................

琪 :「喂!慶太,我有D野想問你地,你地尋日去左邊呀?」

慶太 :「下?!尋日......冇......冇呀?!我地返左屋企之嘛!係咪呀龍一?」(打眼色)

龍一 :「係呀!」

琪 :「真o既?!」(質問)

涼平 :「你問黎做咩呀?」(扮鎮定)

琪 :「冇,只係覺得你地呢排有D古怪o者。」

龍一 :「我地有野做,所以咪早點走囉!」(扮冇野)

琪 :「哦!咁算啦,冇野喇!」(仍有D疑惑)

龍一 :「喂!慶太,琪琪好似知道左咁喎!」(細聲)

慶太 :「唔會o既,如果佢知道o既話,頭先就已經講左出黎啦!」(細聲)

龍一 :「咁又係。」(鬆一口氣)

琪 :「喂!你地仲傾,老師黎喇!」(大聲)

食午飯o既時候.................

涼平 :「慶太,我有D擔心呀!」(唔開心)

慶太 :「你話表演o個日呀?」(悠閒)

涼平 :「唔係o也!我係怕未到表演o個日琪琪已經知道呀~尋日佢好明顯係跟蹤我地
啦!!!」

慶太 :「咁我地以後小心D咪得囉!」(敷衍)

龍一 :「你咪咁杞人憂天啦~~~」

涼平 :「但係.............」

龍一 :「但係咩呀~係喎!你同左佢地講未呀?」

涼平 :「呀...............」

龍一 :「你唔係o也~唉!我真係冇眼睇你~~」(嘆氣)

涼平 :「使唔使咁呀!今日咪講囉~」

慶太 :「係就最好啦!」

琪 :「美味可口o既午餐送到~」

慶太 :「係喇,琪琪、小燕,涼平話有野同你地講喎~」

燕 :「咩事呀涼平?」(期待)

涼平 :「e........係咁o既,呢個星期六你地得唔得閒呀?」

燕 :「得閒,做咩呀?」

涼平 :「冇,我有D野俾你地,想約你地出黎o者。」

燕 :「我就冇問題,不過琪琪佢.............」(望向琪琪)

琪 :「你拎返學校俾我地咪得囉!使乜特登叫我地出去拎o者!」(心情唔多靚)

慶太 :「你地唔好咁啦~o個樣野一定要你地出黎先俾度你地架!」

龍一 :「係呀,而且我同慶太都會去。」

琪 :「唔........咁呀.........好啦~就俾面你同慶太,出就出啦!」

涼平 :「好難為你咩?!」(唔忿氣)

琪 :「你講咩話,你再嘈我就唔去~~~~」(威脅)

涼平 :「好叻咩!唔去咪唔唔唔.............」(俾龍一掩住左個口)

龍一 :「你唔使理佢架!!!」(笑)

涼平 :「做咩唔俾我講o者?」(Fing開左龍一隻手)

龍一 :「你係咪唔想送生日禮物俾佢呀?!如果係o既話你咪講囉!」(細聲)

涼平 :「哼!」(返轉頭去食飯)

龍一 :「唉~~我黎喇!嘩!ichiban呀!」(食便當)

琪 :「服左你喇!」

慶太 :「琪琪,咁星期六o個日下午1點,o係涉谷o既八公犬像度等啦。」

琪 :「OK!冇問題。」(笑)

放學喇................

琪 :「佢地又係咁。」

燕 :「你講咩呀?古古怪怪咁。」

琪 :「下........冇野呀!行喇!」

燕 :「嗯。」

o係天海姊妹步出校園時,一直有3對眼望住佢地。

涼平 :「唉~~佢地走左喇!(鬆一口氣)

龍一 :「使唔使呀你。」

慶太 :「係咪呀,我都話唔使擔心架啦

涼平 :「希望呢幾日都唔會俾佢地發現啦~~~」

-------------------------------------------------------------------------------------------------------------------

到左「送生日禮物」o既前一日--------星期五。

龍一 :「死喇!就快遲到喇!媽媽,我唔食早餐喇,我返學喇。」(以9秒9換衫返學)

龍媽 :「咁你路上小心喇!」

龍一 :「哦!」(跑)

o係呢個時候,正在趕路o既龍一遇到一件突發o既事.....

龍一 :「仲有5分鐘,要快D先得喇!」

突然.................

龍一 :「哎呀?!你行路唔帶眼架!」(跌倒)

???? :「呀?!好痛呀?!真係好對唔住呀!」(講完後就走左)

龍一 :「奇怪o既人,弊!遲到喇!」

到最後,都係遲到,仲俾老師罵。

老師 :「算啦,你返埋位坐。」

龍一 :「各位同學,今日我地會有個插班生加入,請大家歡迎佢。」(拍掌)

???? :「大家好,我叫名古屋瑞稀,以後請各位多多指教。」(鞠躬)

龍一 :「噫!你咪今朝o個個。」

瑞稀 :「呀!今朝真係唔好意思。」

龍一 :「唔緊要。」(笑)
心諗 :「近睇佢都幾可愛喎!」

老師 :「咁你就坐緒方同學隔離啦。」

瑞稀 :「係,請你多多指教。」(笑)

又到開餐o既時間....................

龍一 :「喂,慶太,你覺得瑞稀佢點呀?」

慶太 :「你話o個個插班生呀,都唔錯呀。」

涼平 :「一般o者。」

慶太、龍一 :「緊係啦!因為你個心淨係得琪琪一個嘛!」(笑)

涼平 :「喂!唔好咁大聲啦!」(東張西望)

慶太 :「怕咩喎!俾人知道仲好。」

龍一 :「咪係,幫左你呢個冇膽鬼啦!」

燕 :「令你地久等啦。」(笑)

龍一 :「唔緊要,有便當吃就乜都得。(望住燕o既後面)噫!你咪係瑞稀?!

瑞稀 :「你地好,打擾了。」

慶太 :「你好,我叫慶太,請多多指教。」(鞠躬)

涼平 :「你好,我叫涼平,請多多指教。」(鞠躬)

龍一 :「係喇,你地點會一齊o既?」

燕 :「我頭先唔小心撞到佢,仲整跌左佢個飯盒,所以咪請佢同我地一齊食囉。」

龍一 :「咁我地快D開餐啦!」

慶太 :「你個食物焚化爐又要開動o拿!」

大家捧腹大笑。

而家係3點30分,即係話練習o既時間又到喇~~~~^.^

慶太 :「琪琪,聽日你記住下午1點o係涉谷o既八公犬像等喎。」

琪 :「我知喇,我會準時到架喇。」

慶太 :「咁我地走先啦,拜拜。」

3人離開學校後,就立即返Studio練習,希望能將最佳o既狀態展現俾琪琪同小燕睇。

龍一 :「慶太你睇,涼平佢仲拼命過我地。」

慶太 :「唉~~算啦,你都知佢鍾意琪琪架啦。」

龍一 :「咁又係,鍾意一個人o既心情我都明白。」

涼平 :「你地o係度做咩呀,仲唔快D過黎練習。」

慶太、龍一 :「係 ~」

練完舞後,3人各自返屋企。

龍一 :「聽日一定要好好加油呀 ~」(笑)

另一面.................

涼平 :「聽日就係喇 ~ 死啦,我好擔心聽日呀!點算呢?呀 ~~~~~~~」(大叫)

再另一面..................

慶太 :「我究竟做咩呀?每當我一諗起涼平同琪琪o係埋一齊o個個陣,我個心就好似俾枝箭插中咁,真係好痛,但係.......都係咪諗咁多啦,聽日我一定要送一份最好o既生日禮物俾佢地。」

待續