奇妙美少年 ~ 6 ~

鈴鈴......今朝佢地3個約好9點再去練習,所以要早D起身,而且今日仲係一個十分特別o既日子。

-8:50am-慶太返到studio。

慶太 :「噫!涼平!估唔到你咁早喎!」

涼平 :「緊係啦,我要做最後衝刺嘛。」

-9:00am-龍一返到studio。

龍一 :「你地黎左好耐o拿?」

慶太 :「都唔係o既。」

涼平 :「好喇,我地唔好浪費時間喇,快D開始練啦!」

慶太、龍一 :「好。」

時間一點一滴咁流逝,表演o既時間亦都到喇。
o係涉谷,無論咩時候都有好多人o係度聚集,點解呢?因為o個度有好多人o係度做街頭表演,而今日-4月10日-亦係琪琪同小燕o既生日,就多左一隊新人o係度表演,當然,呢隊新人就係慶太、涼平同龍一所組成。
尋日-4月9日-o係事務所o既會議室裏面,聚集o既人有片山先生、堂本泉先生、慶太、涼平同龍一。

片山 :「今日我叫大家黎,係希望大家一齊諗下你地o既隊名。」(望住3人)

3人 :「我地o既隊名?!」(驚訝)

泉 :「咁都o岩架喇,你地聽日要表演,如果冇返個隊名又點得呢!」

龍一 :「咁......我地應該改個點o既名呢?」(思考中)

大家都努力中,但係都係諗唔到。

慶太 :「唉!」(走到窗邊)

o係呢個時候吹黎一陣風.............

慶太 :「風?!係喇!我諗到喇!」

泉 :「快D講黎聽啦!」

慶太 :「o拿,我o既出生地係福崗,即係南方,而涼平同龍一o既出生地係北海道o既札幌,即係北方.............」

涼平 :「咁又有咩關係呀?」

慶太 :「我o既意思係我地就好似一陣風咁,由極端o既地方而聚埋一齊,吹到東京,所以我諗到o既隊名就係 ---------w-inds. ,你地認為好唔好?」

泉 :「唔錯呀,我都幾鍾意。」

片山 :「涼平、龍一,你地o既意思點?」

涼平 :「我贊成。」(笑)

龍一 :「Me too。」(笑)

片山 :「咁..........就咁決定啦,你地o既隊名就叫『w-inds.』。」

返黎表演當日............

龍一 :「嘩!你地睇下面,好多人呀!」(佢地由車裏面望出去)

慶太 :「係喎!死啦,有D緊張添。」

龍一 :「不過,你睇下佢..........」(指住涼平)

慶太 :「唉!冇計啦,今日係琪琪生日嘛!」

龍一 :「咁又係。」

慶太 :「噫!堂本sir俾指示喇,涼平、龍一,我地去喇!」

涼平、龍一 :「係。」

慶太 :「好啦!我地而家就當係熱身,等陣見到琪琪佢地就要更加落力喇!」

涼平、龍一 :「我地知道o架喇!」(充滿信心)

音樂開始,3人以舞蹈去吸引行人,1hr、2hr..........時間過得真係快,黎睇佢地表演o既人都愈來愈多,約定時間都到喇。

泉 :「好,你地休息一陣先。」

龍一 :「涼平,你而家打電話叫琪琪佢地過黎呢度丫。」

涼平 :「哦。」(不過佢個心已經跳得好厲害)
「喂,琪琪,你地到左未呀?」

琪 :「到左喇!你地o係邊呀?」

涼平 :「你地而家行過去馬路旁邊一架黑色van仔度丫,車身寫住o架,我地o係o個度等你。」

琪 :「OK,bye bye。」

慶太 :「點呀?」

涼平 :「OK。」

慶太 :「咁我地都要開始喇!」

3人 :「加油呀!」

我地又睇下琪琪o個邊.............

燕 :「琪琪,o係前面呀,不過,點解咁多人o既?」

琪 :「唔好理喇,過去先啦!」
「噫!家姐,你睇下D人圍住o既係邊個,係慶太佢地呀!」

燕 :「下.........真係喎!點解咁o既?!喂,琪琪!」(琪琪已經走左過去)

琪 :「慶太,點解.........」

慶太 :「你唔使問咁多,你留心睇住就得喇,咁係我地送俾你地o既生日禮物呀!」(笑)

琪心諗 :「佢地好厲害呀!噫!咪住,咁我之前見到o既........原來係咁。不過,估唔到涼平咁勁喎,慶太就好型仔,龍一好似係最厲害o既一個。」(笑)

燕心諗 :「涼平好有型呀!!!」(陶醉)

眨下眼,表演已經完畢,5人再聚埋一齊。

琪 :「你地好勁呀!」

龍一 :「係?!咁你地鍾唔鍾意呢份生日禮物呀?」

琪、燕 :「緊係鍾意啦~~~~~」(笑)

琪 :「我都好想學呀,不如你地教我丫?」

3人 :「冇問題。」(笑)

龍一 :「慶太、小燕,不如我地買D飲品返黎囉?」

慶太 :「好呀,咁你地等我地一陣丫,我地好快返。」
「涼平,你要加油呀~」(細聲)
「我地行喇。」

3人走左後...............

涼平 :「琪琪,我........有D野想同你講呀。」(緊張)

琪 :「咩事呀?」(望住涼平)

涼平 :「其實........我由細到大.........一直都.........好鍾意你o架!!!希望你可以同我交往!!!」

琪 :「你.........你唔好玩啦!」

涼平 :「我唔係玩o架,我講真o架。」

呢個時候,2人沈默起來........................
另外一邊..............

龍一 :「慶太.....慶太.....慶太.....喂!!!」(大叫)

慶太 :「下.......龍一,你叫我呀?」

龍一 :「你做咩呀?」

慶太 :「冇,冇乜野呀,我諗緊野o者,係喇,唔知佢地點呢?」

燕心諗 :「原來涼平鍾意o既係琪琪,我好想喊呀,但係就算喊左都冇用o架啦,只要佢幸福,我就開心。」

-------------------------------------------------------------------------------------------------------------------

琪 :「涼平,好多謝你,不過,對唔住,我唔可以同你交往!」

涼平 :「下.......唔通你..........已經有鍾意o既人?!」

琪 :「係,好對唔住!!!」

涼平 :「我明白喇,咁我地仲係朋友嗎?」

琪 :「當然係啦。」(笑)

-------------------------------------------------------------------------------------------------------------------

燕 :「遲D見啦。」

琪 :「再見。」

3人由今日開始要一齊住,所以一齊返屋企。

龍一 :「涼平,你同琪琪講左未呀?」

涼平 :「講左喇。」(唔開心)

龍一 :「咁結果呢?」

涼平 :「衰左喇,佢話佢已經有鍾意o既人。」

龍一 :「咪咁冇黎神氣啦~」

慶太心諗 :「琪琪有左鍾意o既人,咁會係邊個呢?」

-------------------------------------------------------------------------------------------------------------------

琪 :「家姐,對唔住呀,我唔知道...........」

燕 :「唔關你事。」

琪 :「家姐,我...........拒絕左佢。」

燕 :「咁即係話......你唔係鍾意佢?!」

琪 :「冇錯,所以........家姐,你要繼續加油呀!」

燕 :「多謝你!」(笑)

今日係4月16日-星期四,琪琪同小燕好似平時咁放學一齊返屋企。佢地一家人如往時一樣,食飯、沖涼、睇電視,但係...............

媽媽 :「小燕、琪琪,你地過o黎丫,我同爸爸有野同你地講。」

2人 :「哦。」

爸爸 :「你地冷靜D聽我講,我.....要同你媽媽.....離婚。」

琪 :「點解呀?!」(驚訝)

燕 :「你地平時都好好o架~」(疑惑)

媽媽 :「我地.....只係扮出o黎咋,其實我地經常都吵架,之後我地發覺,唔可以再咁落去,所以我地商量過之後,先作出咁o既決定,希望你地明白。」

琪 :「我唔明呀!點解一定要咁喎!」(衝左出門口)

媽媽 :「琪琪.......」(大叫)

燕 :「媽媽,你放心啦,我會搵佢返o黎~」
「喂,慶太,你可唔可以幫我一個忙呀?琪琪佢.......唔知去左邊呀,你可唔可以幫手
搵佢返o黎呀?」

慶太 :「發生咩事呀?!點解突然.........」

燕 :「而家唔係講呢D野o既時間,總之搵到佢先啦~~」

小燕將同樣o既說話講俾涼平同龍一知,希望佢地能夠幫手,盡快搵到琪琪。

-------------------------------------------------------------------------------------------------------------------

琪琪走到代代木公園,坐o係一張長凳上...........

琪 :「點解會咁o架.........」(哭)
「明明好地地,點解要咁喎!」

o係呢個時候...........

慶太 :「琪琪........你o係邊呀........琪琪........快D應下我啦........」
「噫!佢咪係........琪琪~~~~」(大叫)
「你點呀?冇事丫嗎?琪琪......」

突然,琪琪伸手攬住慶太不停咁喊.......

慶太 :「琪琪........」

琪琪已經喊o左半個鐘喇,佢o既心情終於平伏落o黎,佢將成件講俾慶太聽。

慶太 :「原來係咁,但係你而家o係度喊係於事無補o架,咁係你父母o既決定,你應該理
性D去面對,唔可以逃避。」

琪 :「但係我.........」

慶太 :「唔使擔心喎,你一定得o架!信我啦!!!」

琪 :「...........好啦!」

o係呢個時候,出現o左一個人影,原來係涼平,頭先「琪琪同慶太相擁」o個一幕俾涼平見到曬,點算呢?涼平個心十分不安。

涼平 :「點解..........而家唔係諗呢D野o既時候呀!」(衝過去)
「琪琪,你冇事丫嗎?」

琪 :「嗯,我冇事呀,多謝你地呀!我諗我知點做o架喇!」(笑)

慶太 :「咁....我地返去啦~」

琪 :「嗯!」

返到去之後..............

琪 :「爸爸、媽媽、家姐,我...........好對唔住呀!!!」

媽媽 :「琪琪,你冇事太好喇!我知道呢件事係好難接受,不過...........」

琪 :「我明白o架喇,你地咁做一定有你地o既理由,我會尊重你地咁決定,因為無論發
生咩事,我都係你地個女!」

爸爸 :「乖女,好多謝你!!!」

琪 :「令你地擔心,真係好對唔住!」

媽媽 :「傻女.........」(2人相擁落淚)

-------------------------------------------------------------------------------------------------------------------

第2日早上.................

媽媽 :「琪琪,食早飯喇~」

琪 :「哦。」(坐低)
「媽媽,我有件事想同你講。」

媽媽 :「咩事呀?」

琪 :「我尋晚同家姐商量o左好耐,我地.......想搬出去住。」

媽媽 :「點解呀?你地唔想同我一齊住咩?」

燕 :「唔係呀,我地只係想學下獨立,唔想成日都依賴人。」

媽媽 :「咁都好o既,不過你地萬事都要小心,有咩問題一定要同我或者爸爸講,屋方面
就等媽媽幫你地搵啦~~~」

燕、琪 :「多謝你呀媽媽!」
「咁我地返學喇!」

佢地一邊行返學一邊商量之後o既事,好快就到學校。

琪 :「噫!佢地.........家姐你睇.......」

燕 :「噫!涼平佢地點解企o係門口唔入去o既?」

琪 :「喂~你地企o係度做咩呀?!」

涼平 :「冇呀,我地...........」

琪 :「快D入去啦,遲到喇!」

涼平 :「呀.............」

叮叮.................放學喇...........

燕 :「涼平,不如一齊返去丫。」

涼平 :「唔得呀,我地要去練舞呀,sorry~~行喇慶太。」

龍一 :「等埋我呀~~~~~~~~~~」

燕 :「唉~」

琪 :「家姐,唔好咁啦,要努力呀!」

燕 :「嗯,冇錯。」

待續