拍拖甜甜蜜蜜，朋友都戥你開心，但太過有異性無人性，會令你的朋友好心淡！


忌懶神秘　－　有約會就有約會，坦白無妨，無謂在朋友面前玩神秘，死口唔認得唔得閒是因為要拍拖。


忽然失蹤　－　朋友約你唔去，打電話比你又唔覆，都是好傷友誼的行為。


準時報到　－　同Fd出去，次次到時到候就要走，要不就是食餐飯都要打電話報到十次，人在心不在，會令D Fd好無癮。


連體嬰　－　自從有男朋友之後，每次見Fd都帶埋男友，搞到成班姊妹不能暢所欲言，班Fd隨時變成好似搭枱咁。更甚者事前無通知朋友你男友會出現，好似奉旨咁。見少兩面都唔得，不如唔好同Fd出黎。


意見箱　－　班Fd提議甚麼，你都說要問過男友，未經他批准你便不能決定任何事情。


他他他　－　同Fd傾偈，十句有九句都是說你的他，其實會聽到人好厭。


Tips　生活分為好多部分，家人、朋友、男友、學業、事業等缺一不可，不能過分偏重某一方面，要懂得平衡，整體生活才算健康。現實點說，Touch Wood將來散左，你都需要朋友安慰吧！