奇妙美少年☆8☆(最終回)

上回提到琪琪接受o左慶太,2人沈醉在甜蜜o既戀愛之中。

今日,小燕終於決定拿出勇氣,向涼平告白。

燕 :「喂,涼平,你今日有時間嗎?可唔可以出來一陣呀?」

涼平 :「好丫,冇問題。」

燕 :「咁2點,o係見啦,拜拜。」小燕放低聽筒,將緊張o既心情平伏下來。
「呼~好啦~加油呀~」

-------------------------------------------------------------------------------------------------------------------

涼平 :「Sorry呀~我出門口o個陣有d阻滯所以遲o左~」

燕 :「嗯,唔緊要。」

侍應 :「先生,想要d咩?」

涼平 :「俾杯咖啡丫唔該。」
「係喇,你叫我出黎有咩事呀?」

燕 :「........我.......」『死啦,點算呀!我好緊張呀!唔得,我今日一定要同佢講。』

涼平 :「小燕,你冇野丫嗎?」

燕 :「............我......我.....我鍾意你,請你同我交往!」

涼平 :「...........」
「對唔住,我諗我唔可以答應你。」

燕 :「我明白喇,其實我早就估到你會咁答我,我只係希望能夠將我o既心意講俾你聽。」

涼平 :「好對唔住。」

燕 :「嗯,你唔使道歉,你拒絕我.....係因為琪琪.....」

涼平 :「.....嗯,雖然琪琪而家同慶太一齊,但係.....我仲係鍾意佢,我唔會逃避,亦都唔想逃避,就算我唔能夠同佢一齊,我都會o係佢身邊守護佢,希望佢能得到幸福。」

燕 :「...........」

之後,涼平送小燕返屋企,一路上,佢地2個都一直冇開口講野,直至去到公寓o既門口........

涼平 :「再見。」

小燕落寞地望住涼平o既背影,講啦,同佢講啦,你一定做得到架........

燕 :「涼平~」(大叫)
「我會等你架~無論1年、5年,定係更耐,我都會等你架~因為"我愛你"~」(大叫)

小燕講完之後就衝o左上樓,只剩低感到驚訝o既涼平,涼平帶著微笑默默地回應o左一句:「多謝你」就走o左。

-------------------------------------------------------------------------------------------------------------------

琪 :「你唔戴帽唔怕咩?!會俾人認到架喎!」

慶太 :「唔怕,我會小心架喇,而且我唔想偷偷摸摸,我要光明正大咁同你一齊,之後o既日子可能會好辛苦,你怕嗎?」

琪 :「嗯,我唔怕,因為有你o係我身邊陪住我~」琪琪o既笑容,將慶太心中o既憂慮都消除了。

慶太 :「多謝你~」

愛,究竟係咩呢?我諗冇經歷過o既人,係唔會明白的,有d人,有o既時候唔去珍惜,到失去o左o既時候先後悔,但係已經於事無補了。

慶太 :「噫!o個度有雪糕賣喎,你要唔要呀?」

琪 :「嗯,我要薄荷味。」

慶太 :「好丫,你等我一陣,我而家去買。」

琪 :「嗯,你要小心呀~」

慶太 :「?!點解咁講呀?」

琪 :「因為你太帥喇,我怕我唔o係你身邊o既時候,你會俾其他比我可愛o既女仔搶走呀!」

慶太 :「傻妹~我個心淨係屬於你一個,我發誓。」慶太在琪琪額前輕輕吻了一下就走去買雪糕。

琪 :「慶太,慶太,鍾意你,希望可以永遠同你一齊~」

其實琪琪今日準備o左一份禮物送俾慶太,慶祝w-inds.出道,當琪琪想伸手拿份禮物出黎時.........

琪 :「噫!我個袋呢?前面o個個人拿住o既.......係我個袋呀!」
「喂!你咪走呀!俾返個袋我呀!」琪琪一直追住個賊去到馬路邊......
「俾返我呀!」

琪琪一手捉住個袋,同個賊糾纏o左一陣,但係佢見到有幾個圍觀o既人想走過黎幫手時,就一手將琪琪同個袋推開........

圍觀者 :「小心呀!」

琪 :「呀呀呀呀呀..............」

呢個時候,慶太買完雪糕,剛好經過馬路邊.............

慶太 :「咩事呀?點解咁多人o既?」
「先生,請問發生咩事呀?點解..........」

圍觀者 :「頭先有個賊搶o左一個女仔野,跟著佢地糾纏起來,點知o係混亂中個賊推o左個女仔出馬路,咁o岩有架車黎緊,就將個女仔........」

慶太想走過去睇下有咩可以幫手,點知,當佢見到個女仔o既時候..........

慶太 :「..........係.....係琪琪!」慶太衝上前,將琪琪抱在懷內。
「點解.....嗚嗚.....點解呀.....嗚嗚.....點解要發生d咁o既事呀!我地o係埋一齊先冇幾耐,你頭先唔係話怕我會俾人搶走架咩!你而家咁樣走o左去,我真係會俾人搶走架!所以.....請你快d醒啦!返黎我身邊啦!求下你!求下你!快d醒啦!嗚嗚.........」

-------------------------------------------------------------------------------------------------------------------

龍一 :「世伯、伯母,你地唔好咁啦,琪琪都唔想見到你地咁樣架!」
「小燕,你都唔好喊喇!」

燕 :「嗚嗚........琪琪係我唯一o既細妹,但係佢就......嗚嗚.......」

涼平 :「...........」

慶太 :「...........」

慶太走到琪琪墳前.............

慶太 :「命運,咁就係我地o既命運,我同你咁難得先可以一齊,但係佢就o係我手上將你搶走,太殘忍喇!由我地相識到而家,已經16年喇,你o既一言一行,總是吸引著我,令到我冇辦法將視線由你身上移開,直到我發現自己愛上你o既時候,我更加想接近你、保護你,但係,對唔住,我冇好好保護你,如果當時我o係你身邊o既話..........」

慶太o既眼淚,滴到琪琪o既墳墓上。

??? :『你唔好咁傷心啦,咁係一場意外,唔係你o既錯。』

慶太 :「?!琪琪?!琪琪,係咪你呀!你應下我啦!」

??? :『慶太,你係我最愛o既人,我好想永遠永遠同你o係埋一齊,但係,對唔住,我唔能夠實踐呢句說話,不過,我會守護你,所以你要加油呀,當係為o左我,你要好好咁生活。』

慶太 :「琪琪,我知道係你,你出黎見下我啦!」

??? :『呀~有一件事差d唔記得同你講,我買o左一份禮物送俾你,但係我唔能夠親手送俾你喇,我將佢放o左o係o個個袋裏面,你要記住呀!對唔住呀,我要走喇,最後我有句說話要同你講架---"我愛你"』

慶太 :「你唔好走呀!琪琪......琪琪......」

晚上,慶太一個人o係房度,回想以往同琪琪一齊時o既片段,突然,慶太好似諗起一d野咁,o係房度不停搵........

慶太 :「搵到喇,係琪琪個袋呀!」慶太打開個袋.....
「應該係佢喇。」慶太小心地打開佢.....
「呢條手鍊,咪係上次我話好想要o既,但係我因為冇錢所以冇買,原來琪琪佢........」

眼淚,又再次o係慶太o既面上流下來........

慶太 :「好多謝你!我一定唔會忘記架!我愛你!!!」


完

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

tsuyoki:呼~終於完喇~^^可能會作得冇咁好,小女子就請大家見諒喇~
我o既作品會陸續出現,到時就請大家多多關照喇~^o^