０１）我「喊」，無論是否你的錯，你都一定要哄我。

０２）我「哦」你都是因為我關心你和緊張你。

０３）你唔使係有錢仔，但最好都有比較遠大的目標和理想，在未來有成為一個有錢佬的可能。

０４）我知我唔係全世界最靚，但我希望你覺得我係，時不時要讚我人靚歌甜樣靚身材正可愛溫柔同得意。

０５）當我剪了兩吋頭髮打了少少眼影穿了對新鞋時希望你會留意到。

０６）所有大時大節紀念日同生日，你必須全部都記得。

０７）我所有濕濕碎碎野都好想同你分享，例如我用咩化妝品同護膚品，雖然你未必會明，但希望你會扮聽。

０８）你唔需要好靚仔，但一定要乾淨。

０９）有很多事我並不是不懂得做，只是不想做就扮唔識，所以你唔好迫我。

１０）每日去任何地方時都要 CALL 話比我知你位置及同邊個一齊，比我清楚哂你的行蹤。

１１）同一個笑話同話題，可唔可以盡量唔講得多過廿次？

１２）我發脾氣CUT你線，其實係想你即刻打番電話來再哄我。

１３）我唔介意你有少少肚腩，但盡量唔好太肥，亦唔好比我瘦。

１４）太大隻既肌肉型男人會好MAN，係有安全感。

１５）我會好介意你有一Ｄ有不良嗜好的「兄弟老友」，認為佢地一定會帶壞你。

１６）在我的朋友面前，我希望你可以表現得比平時更錫我同緊張我，等佢地羨慕我。

１７）琴棋書畫各類運動唱歌寫文章當中，希望你最少會有一樣好叻（打機唔算），其他最好樣樣都識少少。

１８）大男人唔等於霸道。

１９）瀟洒唔等於無交帶。

２０）我煮完飯，唔該你自動去洗碗，我掃完地，唔該你自動去拖地。

２１）我鍾意你努力工作，但都要盡量抽時間陪我。

２２）唔好成日問你約會去邊度好都話「是旦」，咁唔叫就哂我只係表示你無心思。

２３）如果我同你講話要減肥，其實最想聽到你同我講：「你一Ｄ都唔肥，唔使減啦，我鍾意咪得囉。」

２４）我希望你的女同事全部都是師奶呀嬸醜女或肥婆，咁我就唔駛擔心。

２５）你要時不時對我講「我愛你」，否則我會假設你唔愛我。

２６）口是心非係女人的專長，尤其是發脾氣的時候，大多數時候都係講假話的，當我話唔去就係去，唔要就係要，唔好就係好，你要記住。

２７）發脾氣時要即時哄番，唔好比時間我冷靜下，其實我完全唔需要時間冷靜。

２８）我話鍾意的野，你唔駛全部都送，不過，在特別的日子，輕輕送一份啦。

２９）可以陪你自己的朋友，但係一定要重色輕友，即係話，我要你的時候，即刻出現。

３０）購物是女人的天性，請不要阻止或對我的購物行動有甚麼意見，最好間唔中資助下我。

３１）在你的爸爸媽媽面前，唔好批評我唔識做家務，因為佢地對我的眼光會差左。

以上所講的，男人抄低未呢？
又有無講中女性心裡面的說話？