你得相信，你的Mr. Right隨時地都會出現，看見「靚」、「型」、「正」既男生，身為Brave New Girl既你仲等嘜？既然上天安排你兩遇上，能否好好把握緣分就要靠自己。All Girls！醒你25個令男生覺得你Sexy、想進一步了解你的開場白，為你的愛情加上好多Surprise。


海灘上
01游到大海中好Cool的滑落男生面前，同佢講：「我同班Fd走失左，可唔可以借塊Wakeboard比我，等我企上去望清楚佢地係邊？」

02當見到有Cutie男生拎住一大樽汽水，就走到佢面前：「可唔可以用呢半個西瓜同你交換支汽水？有你著數架。」

03將具備影相功能的手機交給他，請他幫你影幅靚相，話佢知你趕住Send比個Fd。你也可以講笑咁問佢肯唔肯扮你BF，同你影返張合照。


酒吧內
04走到站在點唱機旁邊的靚仔男生旁，問佢有無散紙，跟著請佢做你DJ，為你點幾隻正歌。

05著上你心愛球隊的Tee走入有得睇球賽既Pub，支持同一球隊既男生會同你有偈傾，又可以同敵方男生鬥下嘴。

06故意「唔見左」隻耳環，望住地下，尤其在目標男生面前係咁搵，Show比佢睇你戴住既耳環款式，如果佢係好男生，實會踎低身幫你搵，你就有機會進一步接近佢。


書店/圖書館內
07走到小說部面前，同目標男生講你想搵本暢銷書，作者名叫做「Tom嘜嘜」，問佢知唔知，如果佢答唔到你，就問佢有嘜小說好睇，並表示你特別鍾意睇推理小說。

08你係旅遊部流連，打算Plan定去日本既行程，問下身邊同樣睇緊旅遊書的靚仔男生，讓佢跟你分享去日本的好玩經歷。

09如果他在那裏工作，你可以要求訂購已經售罄或即將推出的書．當你留低聯絡電話後，叫佢隨時你Call。

10拎住一大疊能吸引男生興趣的書(例如按摩指南、爬山書、意大利菜食譜等)，過一陣就同佢講你想出去打個電話，問佢可唔可以幫你看住D書。


Party內
11當佢走入廚房攞啤酒時，就拎住支紅酒或汽水，經多番「嘗試」後同佢講你唔夠力，請佢幫你開。

12同目標男生講：「我好似見過你，你係咪有去Lisa個睡衣Party?」佢識唔識Lisa唔緊要，最重要佢有興趣知道睡衣Party有嘜玩。

13事先預備一張開心抵死、打算送比Party主人的賀卡，叫齊Party所有人簽名，製造機會同目標男生傾多幾句。

14扮演神婆愛美麗，同班Fd睇下掌相或分析星座運程，然後問目標男生有無興趣知道自己既命格同未來。

15係目標男生面前，捉住個Fd大大聲咁講，你好想學一樣新奇刺激的玩意，但未諗到學嘜，「順便」問個男生有嘜提議。


Gym房內
16如果目標男生在做Sit-Up，就趁機埋佢身，當佢停下來休息時，請教佢點樣先可以練成咁結實既腹肌。

17走到腿部舉重機做健身時，你發現那部機放了太多鐵餅，你大條道理捉住個大隻男生，請佢幫你拎走幾個鐵餅。

18上瑜伽班時，一早霸定目標男生隔離個位，當教練叫大家Pair Up做倒竪衝時，你主動邀請佢做你Parther不過記住練習前「攝」衫！

19見到有型男生著住對超型氣的運動鞋，放膽讚佢對鞋靚，然後好有興趣咁問佢對鞋係邊度買。

20出一身汗後，走到勁Fit男生面前說：「我透唔到氣，唔知係運動太劇烈定係因為見到靚仔」。

21望住那部類似刑具的舉重機，百思不得其解，然後請靚仔話你知要練呢Part肌肉要點，練個Part又要點Set。


Coffee Shop內
22如果佢係咖啡店內用緊至新型的電腦(或Palm或手機)，問佢覺得部機好唔好用，可唔可以借你望兩眼。如果你夠勇敢，介可以膽粗粗輸入自己個名同電話。

23飲完一大杯Cappuccino，弄得成嘴泡，求其抹下個嘴，請對面個男生幫下眼，看看你嘴唇仲有無泡，跟住係佢面前好Sweet咁　下嘴。

24當佢睇緊報紙，就問佢借娛樂版電影個Part黎睇，順便問下佢近排有咩新戲推介，如果佢傾得好有興致，就索性約佢即晚睇番場。

25同Fd排緊隊果陣．好高調咁討論自己應該飲嘜：「飲Latte好唔好呢？唔知焦糖咖啡好唔好飲？定係試綠茶咖啡呢？」，跟著拍一下排在你前面男生的膊頭，問：「你話我飲咩好呢？」佢一定好樂意答你。