剛剛聽完千嬅首新歌<煉金術>第一次有種好熟識既感覺, 好似一首舊歌, 不過唔記得左個歌名了, 再睇麻D歌詞, 有種久違既感覺湧上心頭......係咪所有感情都要咁樣試煉過先可以成為愛? 咁係咪經得過就可以喇?
"頑石哪天變黃金 我可以等" 感情都一樣嗎? 係咪你肯等就會等得到?
"深信忠誠遲會獲勝 那份固執終於都會被尊敬" 但當等到尊敬之前, 當中已包含了幾多差恥, 幾多犯賤, 這些捱得過嗎? 尊敬真係會等得到嗎?

其實這些都係悔氣說話, 因為當你真心愛上你就唔會介意等, 唔介意這些屈辱, 不論幾多都可以承受, 但係咪所有感情都能煉成金? 我以前會認為真的可以咁簡單, 天真得可以, 就好似首歌就咁.......但人大了, 唔敢再去咁一廂情願地去相信, 凡事總有好多面的, 亦都有太多估不到了, 要做到好似首歌咁, 當中既所承受真係只有自己知, 唔係短短幾個字可以講得出, 期待係一種原動力, 令你可以捱得過, 但當你知道這個期待永遠都唔會遇見時, 仲可以捱得過嗎? 但可惜這個事實不是一早就知道, 往往都係等到已泥足深陷之時先看得見, 想返轉頭已太遲了......


"頭白了 還在等 情人預約在黃昏
原來暫時共你沒緣份
來年先會變得更合襯
期待再苦再難堪 我都會忍
談情十年未晚不怕等
渡日如年仍覺得興奮
若最後能溶化你何用 心急手震"

假若真的再遇上一個給你期待的人, 你還會等嗎? 還可以用情咁深嗎? 原來答案係唔可以, 人生冇幾多個十年, 總不能花咁耐時間等完一個期待又一個, 經過咁多洗禮, 人漸漸會被迫長大, 不容許你還原地踏步, 幾多固執幾多不願都要放下, 這是人生既過程, 總不能逃得過, 不同既人就有不同既過程, 當中可能有些是可以選擇怎樣過, 但總不敵得過天意, 如所有野都能自己掌握, 就唔會有咁多無可奈何, 或許我還未明白, 但我真的不想再去參透了.......