2003年04月01日
終於,我選擇o左離開你,
呢個,係一個好沉痛o既決定,
由我決定要離開你呢一刻開始,
我個傷口就唔停o甘發作,
因為,你始終係我最愛o既人,
要離開你,其實我o既步伐,每一步都好沉重,
重到好似,o係積滿雪o既地上面行一樣,
我一邊行,一邊諗,
點樣可以拋低以往傷感o既回憶?
另外一方面,我又要一個人,
去面對未知o既未來,
因為o甘多年o黎,唔多唔少,
你都已經成為o左我生活o既一部份,
甚至……係奮鬥o既動力.
諗到呢一度,我覺得好傍惶,
無o左你o既日子會係點o架呢?
一段感情,相愛反而係最容易,
要維繫,係最難o既,
要決定分開,雖然亦都好難,
但比起分開之後要去忘記對方,
忘記一個人,實在太難!
可能過o左呢一段時間之後,
我就可以慢慢o甘痊癒,
然後,又遇到另外一個機會,
去發展另外一段感情,
究竟當中呢一段度過o既時間,
要等幾耐?真係好難講……
我只係知道我會繼續o甘帶住呢一段感情,
去等待下一段,無痛o既感情……
轉自【教我如何不愛他】
} else { ?>

..**迪※之**.. 只跟部份人分享這資訊。