我今日好有feel想寫D野..我昨日同朋友睇左一套由張艾嘉做,改篇至真人真事既VCD,叫"地久天長",.我好佩服個主角-子鶩,點解0係自己身有病0既時候,仍然能夠開心同堅強咁過佢剩下0既人生,我唔明白點解0係佢時日無多既時候,仍然能夠將歡笑帶俾其他人,佢無自怨自艾,雖然佢都會問點解?點解會係佢?點解要生佢出黎受苦?但佢後來都明白到,神要佢留0係世上受咁多苦難,係想佢用雙手同一支筆,為愛滋病既人寫一本書,呢本叫"地久天長"既書,改變左千千萬萬人對愛滋病人既睇法,呢個就係神叫佢留0係世上既使命.我好唔開心,當我睇到呢個男仔,細細個就要受打針之苦,呢個名為"血友病"0既病令佢失去左一般小朋友應該有既快樂童年,到佢長大,卻又因為輸入左有菌既血而令佢成為愛滋病人,連我自己都禁不住問,神呀!你對佢唔係太殘酷了嗎?點解會係佢呢?但係,即使唔係佢,換左別人,又係唔係應該呢?當我睇到佢臨死既時候,走左去買左支玫瑰送俾佢媽咪,仲同佢講母親節快樂!這是係佢最後一次可以為媽媽做既野!我真係再都忍受唔到D淚水,跟住佢媽媽一齊流.我一定做唔到,做唔到好似子鶩同佢媽媽一樣咁堅強,佢地所經歷既痛苦,即使我呢個外人,都能感受到.我忽然間覺得自己好無用,點解佢既生命咁脆弱,仍然能夠過得咁燦爛咁開心?反觀自己無病無痛,點解覺得若有所失呢?係咪我地太易遺忘身邊既野同人?係咪我地太過理所當然?以為我地擁有既生命,健康都係必然?佢媽媽講得好0岩,生命唔係在於長短,而係在於有無好好咁生活,做一個有用既人,一個無用既人,即使長命百歲都無用.子鶩雖然只活得短短既23年,但佢比起好多人更知道咩叫生命同愛.子騖,我多麼的想同你做朋友,我想你教我點樣苦中作樂?點樣去忘記唔開心既野同愛身邊既人.子鶩,如果有一日,我在天國遇見你,我會同你講多謝,因為你讓我明白自己係几咁幸褔.