好懷念依個暑假,我相信依個暑假會永永遠遠咁係我記憶裏邊,因為依個暑假有你.我真係好想可以好似依個暑假咁,我地四個可以再一齊去玩,去打波,去睇戲,但係我知已經冇可能,因為我同你已經完左,冇可能再係番埋一齊,而佢地兩個中間亦有問題.我知道依個只係我0既妄想,根本唔會有可能再發生,亦唔會再有機會,因為我係你心入邊冇左位置,我0既位置已經俾佢取代左.我好唔甘心,點解你要係我開始放感情落我地之間0既時候離開我,雖然係我提出,但係假如唔係因為你,我唔會.你知唔知我其實好珍惜我地之間?可能我唔識去表達我對你0既感情啦,但係我真係好鍾意你,可能初戀係真係唔會有結果,但係我想最少會有一段開心,甜蜜0既回憶.有時我真係懷疑究竟你有冇鍾意過我,你對其他人仲好過我,你緊其他人亦都多過我,就好似0個時你激嬲佢,你都哄番佢啦,但你對我從來都唔會,你仲為佢係icq到改info,希望佢見到之後原諒你,但係你從來都冇為左我咁做,我係唔想佢嬲你,但係你係咪都諗下我0既感受?我唔明點解你會可以為佢做咁多野,但係對於0個時係你女朋友0既我就咩表示都冇,究竟我係咪曾經係你心入面佔過一席位,一話係根本冇存在過.