豬頭:

其實我真係諗唔明點解你要對我咁好.根本我同你開始已經係一個錯.我同你天各一方冇可能.當初我曾經講過我唔會接受你.因為我知道大家唔會有好結果.可惜我都係接受左你.你為我而刻既o個一個k字.對我黎講真係太過難以接受.都冇人會相信你會為左一個O岩O岩識左冇耐既女仔而咁做.o個一個字刻左係你既右手手背真係好大個.好恐怖!就係因為咁我開始愛上你.我鍾意睇你跳舞都鍾意你既外表.而你個人我更加係愛不釋手.你真係好似個dancer咁.企o係台上面就好似識發光咁.好多人既目光都注視o係你既身上.哈哈(可能係情人眼裏出西施啦)!!因為你..我鍾意左上台跳舞..仲期望做到個DANCER..之後既一個月我都差唔多日日同你一齊,我真係好鍾意你.o係o個陣時全世界都知道你都好鍾意我.甚至我就等於你既一切一切!!
但係我同你行左都唔夠3個月就散左,點解?..............哈........講都冇人會信原來你出面一早就有個行左年幾既女朋友,我唔明點解呢2個月黎你可以日日同我一齊為我做咁多野.到底係為左咩?
同你散左.我真係好傷好傷.我為你割脈為你流淚,但係你....我冇話可說...本來我諗住時間可以沖淡一切既時侯..但係點解你又要再次出現o係我既面前.問我可唔可以比多次機會你呢?.我恨我自己點解仲會相信你再同返你一齊,我覺得我真係好蠢.可能我實在太鍾意你任何人既說話我都唔唔信就只信你.可惜你再一次呃我呢次我忍痛同你講分手.我深愛你但同時我極度憎恨你..我恨自己當初接受你愛上你...我恨你一次又一次咁呃我..我恨你對我好..但係點解我仲會為左你而喊足一個月..點解我到左而家依然會掛住你...不過而家既我對你已經再冇恨只有思念..回憶..因為我諗通左無論個結果係點都好....我同你都深愛過.留返個美好既回憶可能比較好..所以我唔會再恨你,但係我都唔希望自己會再愛上你..GOODBYE MY LOVE!!
曾經深愛過既
KK 14/12/2000