今日去買cam仔,十幾部擺係度,部部都差唔多樣,其中有一部駁左上電腦,有畫面睇。睇睇下個sales走埋黎sell我，話部cam有幾勁，幾勁，重做緊discount。我諗諗下，都係要睇多部，佢就死死氣轉一部俾我試，又話呢隻款幾差幾差，又只係平之前果部廿蚊。咦，係喎，試落又真係爭D喎，顏色、光暗、解像度都無咁好，m~~~~好，就要呢部啦，haha，個sales即時呆左一呆，我估佢心諗，呢條cheap精廿蚊都唔捨得。係呀，果部係靚好多清好多呀，不過呢部映得我靚仔D呀，我鍾意呀!我就係鍾意佢無咁清楚呀!網上既野，係咁架啦，隔住個網，背後既野，可能比你想像中好，又可能比你想像中差。記住，你望到既，係個"芒"黎架乍。所以各位網友，如果第時有機會透過網絡見到我而覺得我靚仔既話，記住一樣野，老友，部cam仔我買左cheap果部~~~hahaha ^^