曾經有一個好傻的女仔.. 一直盲目咁執著係"得不到的愛"身上...
　佢認定呢個男仔係佢一生最愛..願意為佢付出所有,放棄一切..
　呢個女仔明知個男仔永遠都唔會愛上自己,亦知道個男仔根本唔知
　自己一廂情願的付出,但為o左佢,個女仔願意一錯再錯,因為佢
　真係好愛呢個男仔,什至係呢個女仔心目中,無人可以替代佢o既位置...
　　　雖然係咁但呢個女仔好貪心,一直都無阻止自己拍拖,係佢心目中
　佢認為"既然無可能同自己最愛個個一齊,咁就搵個最愛自己o家啦"
　事實真係俾呢個女仔遇到好多好愛自己的人,但係正因為呢d 人太愛
　自己,佢覺得好內疚,覺得自己唔配佢地對自己咁好,所以呢個女仔每次
　拍拖都係分手收場，而原因亦只有一個就係呢個女仔心入面仍然有
　"得不到的最愛"的影子....直至....
直至遇上佢~~係咁多男朋友中最愛佢,對佢最好的人~~
　呢個男仔教識o左個女仔好多o野,同時令到一個愁眉苦臉,咩都諗埋
　一面的女仔,變成一個樂觀面對任何事的開朗女子,可惜呢個女仔
　一直都唔知自己有咁的轉變,佢將一切都睇得好自然,唔識珍惜,最後
　更因為"得不到的愛"而同佢分手..甚至分手後,個男仔無怪她絕情和
　多情,仍然對她好好,好關心緊張佢,但係個女仔將呢d的舉動視為
　理所當然,繼續過自己的生活,有事就搵佢,無事就唔記得who is he~~
　　　但其實...只係個女仔唔知道自己一早已經將呢個男仔放係
　自己的生活入面..佢已經習慣o左佢的存在..或者真係有D o野係
　你身邊你永遠都察覺唔到,到真正失去o左先會發現佢的重要...
　　　依家佢知道喇...不過已經太遲,因為個男仔已經開始o左自己
　的新生活,已經唔再愛佢,唔再對佢好,唔再係呢個女仔身邊呵護佢,
　個女仔好唔開心,佢估唔到係呢個男仔唔再在乎自己的時候,先知道
　原來自己係咁需要佢,佢好後悔...後悔點解當初唔珍惜..後悔自己
　到今日先諗清諗楚....如果俾呢個女仔回到過去,佢會對呢個男仔講...
　"比起佢,你對我更重要!!I need you!"不過呢個女仔再無資格對呢個
　男仔講任何o野,因為當初放棄的係佢自己,佢唔容許自己再咁自私..

　『世 上 最 遙 遠 的 距 離 不 是 生 與 死 的 距 離 ，不 是 天 各 一 方，
　　而 是 我 就 站 在 你 面 前，而 你 卻 不 知 道 我 愛 你。』
~願天下有情人終成眷屬,搵到自己所想所愛~~
~~更加要珍惜身邊的戀人,錯過了很難回頭的啊!!~