係一個好偶然o既機會o下，一個女仔識左一個男仔，跟住佢地開始拍拖，係拍拖期間佢地好開心，當然亦都有唔開心，嘈交o既時候啦!男o既搵到野做，女o既就讀書，係呢個時候佢地都好難得先見到一次面，佢地每次都會好珍惜見面o既時間。
突然有一日，個女仔同個男仔講分手，個男仔就問個女仔發生o左咩事? 點解要分開? 個女仔就話唔知，冇得解。其實個女仔同個男仔分手o既原因，係因為佢覺得個男仔對佢太好啦，而自己對個男仔唔好，個男仔想自己做o既野，自己都做唔到。個女仔亦都好怕而家個男仔係好鍾意自己，但係當自己好鍾意佢既時候又有邊個可以肯定佢都會好鍾意自己? 已經跌過一次，就唔會再想跌多一次。