12月24日 晴 今日係平安夜
今日個女仔好忙,因為咁岩個女仔之前買左張新床今日送黎,個女仔又要執野整野。
早上9:00女仔既電話響起!!
男:張床送左黎未呀~
女:未呀!我怕我今日會遲喎!係喎點解你咁早起身呀~唔訓多一陣?
男:下..我約左人打波呀!
女:哦!咁之後le~我諗我冇咁早出到黎架~
男:得啦~出黎之前打俾我啦~
女:哦!bibi~
男:bibi~
跟住個女仔就忙住同d屋企人拆張舊床,搬開d野等d人可以砌新床。攪下,攪下已經3:00喇!
個男仔就打電話黎!!
男:點呀!整成點呀!
女:岩岩先開始執番d野入房,又要砌番個電腦。我攪掂打俾你啦!
個女仔收左線之後就張個電話放左埋一邊,就好努力咁執野喇!因為佢想快d攪掂晒,然後
出去。大約4:30左右個女仔就落左街買野,係果個時候個女仔既手提響起,佢個哥哥聽
到想行埋去聽啦!點知收左線lu~個女仔個哥哥就將個女仔既手提"教"左冇聲。然後就
繼續整野喇!大約6:00到個女仔就諗住打俾個男仔啦~一拎起個手提就發現原來有十幾
個未接電話呀!然後佢就打番俾個男仔喇!
女:喂!唔好意思呀~我岩岩先攪掂呀!我沖原涼就出黎架喇!
男:點解你唔聽我電話呀!我打去你屋企個電話又冇人聽~
女:sorry!呀!我個電話教左冇聲!至於屋企個電話既電話線就插左係modem度~
男:咁你幾點出到黎呀?(好冇心機咁講)
女:我諗7:30啦~
男:你出到黎打俾我啦!我同我個fd一齊呀!你約左佢地未呀!
女:約左架喇!好啦!bibi~
個女仔好快就攪好晒,拎埋佢織好果條頸巾同埋佢尋晚搵左成晚既"聖誕禮物"出門口~
個女仔約左阿sa係MTR station等一齊出去~出到去個女仔見到個男仔以為佢會嬲點
知個男仔見到個仔就笑笑口,個女仔先鬆一口氣~個女仔就送左手上既大禮物俾個男
仔,個男仔亦都為個女仔準備左一份禮物~
男:係puzzle黎架,我砌到今朝喇!好難砌呀!
女:係龍貓呀!仲有我最鍾意既"次子"呀!不過咁細都要砌成晚,咁差架你!
男:我好少砌le d野架!d色又難分!
雖然個女仔個口咁講,但係個女仔已經好開心喇!
佢地等埋阿vic,之後總共5個人就一齊去食韓國燒喇!
食飽飽之後佢地成班就一齊行街啦!仲去左傾計,然後就番屋企!
雖然只係好普通既一個晚上,但係對個女仔黎講一d都唔普通,仲好開心呀!
個女仔番屋企就拎副puzzle出黎,左睇睇,右睇睇傻下傻下咁!跟住佢拎起個puzzle盒
睇下,又放低,睇下又放低,個女仔好奇怪咁講「咦!點解有聲既!咩黎架!」個女仔打開
個puzzle盒原來有封信係入面,佢唔知睇唔睇好。佢好怕呀~好怕個男仔唔知寫d咩係入
面。唔通個男仔唔好意思同個女仔講唔鍾意佢,要寫信,想知封信寫咩就留意小猩猩(8)啦!

12月23日 寒 今日係平安夜前夕
今晚天氣凍左,個女仔約左阿sa 7:00係地鐵站等。究竟做咩事le~原來個女仔諗住買
個Winnie The Pooh"攬"枕俾個男仔做聖誕禮物呀!佢地去又一城既Trendy-land買
!點知賣晒!,然後出左九龍灣分店,點知都賣晒,再去Hollywood都冇呀~然後再出旺角
既銀城搵啦!點知最後一個岩岩俾人買左!阿sa就問個女仔喇!
sa:冇喎咁點呀!你唔係話我知你買唔到唔番屋企呀!
女:去埋潮流特區冇先算啦!
sa:但係9:30喇!我地都未食飯~
去到潮流特區佢地續層搵,終係最後一層搵到喇~個女仔好開心呀~然後買埋花紙,過埋
旺中買左張麥o麥咭,就搭小巴去到企付近既"麥當當"度食野同包禮物,果陣已經11點幾
喇!個女仔番到屋企,個男仔打俾佢,兩個人仲一邊傾電話一邊寫咭,傾到3:00先訓。