好記得我地一齊去旅行﹐好記得我地好辛苦咁去搵個賽車場﹐落左機無幾耐就四處打搵車﹐又要搵電話號碼﹐幾經辛苦搵到電話D人又唔知道我地講乜野﹐個個連英文都聽唔明﹐我當時好心急好驚你搵唔到你想搵既野。。。第二日搵到車啦﹐時間又遲左﹐車飛我地唔小心跌左﹐拉住個行李箱論論盡盡又驚趕唔到火車,我知你當時唔開心,想放棄,但我唔可以睇住你完成唔到自己既心願,我地渣車蕩失左路又走反轉頭﹐去到都遲哂,但係無論點都好﹐我知我地一定要去到我地要搵既地方﹐卒之到達﹐雖然同想像既爭好遠﹐但我知道你已經好開心。。。
其實同你一齊﹐就算去到邊做乜野﹐我都唔怕辛苦,我只要見到你開心,我已經好滿足…
本來好想比你拖住,同你一齊行更多更多既路﹐可惜我無咁既福氣。。。。對不起。。。。