終於都到o左個男仔去個女仔既日子啦~~佢地約o左5:00係MTR度等~個女仔越等越驚~因為佢好怕個男仔到o左之後冇野講~
個男仔終於到o左啦~佢對住個女仔笑o左一笑，個女仔好開心，因為佢好耐都冇見過個男仔，所以一見到個男仔笑得咁開心好自然佢都好開心。
到o左個女仔屋企，佢地好似平常咁，一個玩電腦，一個睇VCD。個女仔睇完VCD之後，就去叫個男仔睇下d禮物。
之後佢地玩起上黎，玩玩下，個男仔攬住o左個女仔，個女仔個一刻好想好想喊，但係佢忍住唔喊出黎，因為個女仔唔想個男仔見到佢喊,希望個男仔開心~
就係咁，佢地一齊帶狗狗落街散步，開心既一日就過o左啦~唔知似後會唔會再係咁開心呢?
20/12個女仔間學校有Sport Day，因為太遠，咁個女仔就返舊屋訓。
有一日，個女仔同個男仔講電話個陣話o左比個男仔知，個男仔就話個日陪個女仔喎~個女仔好開心，希望個日快d到~
係呢幾日，個女仔好怕，因為佢問左個男仔，係唔係佢男朋友，但係個男仔冇答佢，只係話星期三(19/12)你咪知囉！
個女仔好無奈，但係只好接受。唔知到左星期三(19/12)會點呢?