到左聽日(21/12)我地就一齊左成個月啦！唔知你會唔會記得呢？

記得初初識你係因為你坐係Sally格離，Sally成日提起你！所以我都知道你唔少野。知道你對佢Ge痴情，知道你因佢而做Ge傻事。記得果陣時Ge我曾經講過我一定唔簡你里種人，原因係你實在太痴情啦！但係.........哈哈！！估唔到最後簡Ge竟然係你！！
係Sally口中所認識Ge你最初係一個沉默......令人不敢親近Ge人。後來Sally就發覺原來你係好玩得架，所以我地就開始同你玩啦....哈哈！無聊打個電話搵下你咁......直到有一次我地約左出黎—就係你話由里次開始對我有FEEL—咁我地就真正識左，不過之後你都冇嘜同我講野！
到左好耐之後Ge學界完第二日，你突然同我講你鐘意我，想我做你女朋友。我第一個反應就係覺得你玩我，因為我地總共聊過唔夠十次野！但你對我特別好Ge態度，以及你Ge不斷證明，終於我地係埋一齊！
不過講真我真係唔係咁明點解你會突然間鐘意我，你以前唔係好愛佢架咩!?不過算啦，等我第時慢慢去了解啦！
記唔記得你之前問我點解鐘意你Ge...我而家可以話你知我鐘意你拖住我時Ge感覺，我鐘意你擁抱住我Ge感覺，我鐘意我靠住你Ge感覺，我鐘意你煮野畀我食果個樣，我鐘意你跑步時好有鬥志果個樣，我鐘意你有時好自然咁傻傻地果個樣……

希望你記得聽日啦！你知道嗎？你係第一個陪我過左一個月Ge人呀！
糖糖 20/12