我發左個夢..
我同佢而家仲好好..好恩愛...仲係羅芳村到住...佢同我講話要落去買野吃然後走左...我見佢走左就係到織頸巾..

我等左成個鍾都唔見佢返黎..好奇怪..所以落去溫佢..

落到樓下...好奇怪...下面居然一個人都冇...好..恐怖...d舖頭都有開門但是一個人都冇..周圍白茫茫一片...我好驚..我開始跑...一邊叫佢個名一邊跑...我好怕...

終于我見到佢企係到啦..我攬住佢話比佢聽我好驚...但是佢冇反應..我覺得好奇怪..擡頭望下佢..突然發現佢變成一個好恐怖既鬼...我尖叫..放開佢..然後拼命跑..

佢明明可以好快就追到我ga...但是佢一邊殘忍o甘笑...一邊慢慢追住我..我好驚...好怕...絕望...我一邊哭一邊跑..

跑到一個斷涯...下面係萬丈深淵...好黑..我好怕....返轉頭...佢一步一步o甘向我走黎...突然呢個時候我諗返起同佢分手後既一切一切...佢對我所做過既任何野...我流著淚問：點解..?佢冇講野..對眼開始發出紅色既光芒..

我諗起呢一切...個心好痛苦...罷了罷了...跳下去就一了百了..以後都唔洗煩啦..幾好..?!

佢好似知道我點諗...突然變返以前個樣...
“老婆...你係到做乜呀..快d過黎啦..唔好嚇我呀..我唔可以冇左你ga...冇左你我寧願死呀...”

我明知係假既...都忍唔住一步一步向佢走過去...攬住佢哭...心諗...佢會唔會係逼不得已...但是佢突然又變返個鬼樣...眼裏發著青光...全身包括皮膚都是黑色..手指好長好長..指甲都是黑色...個嘴好大...一直裂開到耳邊..而且不斷得流出一些黑色既液體...

我拼命掙扎..大叫救命..但是冇人理我..我忍住惡心...好大力o甘咬佢個手...佢一痛就放開左我...我好痛苦...最後望佢一眼...深深一眼...最後一次可以見到佢了..

佢知道我想點又變返以前個樣叫我過去..我用手摸佢個頭..然後係眼..然後係嘴...好痛心...好絕望...最後一次了..我要將佢個樣記住.......最後...了...

就係佢以為抓住我時..我向後退左兩步..跳左落去...我以好快既速度向下跌去...我好似聽到佢叫我...好似聽到佢話愛我...但是我唔會再信了...永遠都唔會...

唔知過左幾耐...我跌到左最下面....地下有好多毒蛇...好多好多...d蛇餓左好耐...爬到我到..咬我...痛楚從好遠既地方傳黎...反而心痛既感覺好清楚......我閉著言...好似睇電影般睇返我從細到大經歷既事...我發覺原來我並唔係天使...我並唔純潔......

從來..我都冇得到過佢...佢從來都冇屬於我...我只係佢既一個水泡....玩厭了...就隨手可以唔要既...水泡...從來...佢都冇愛過我吧..從來我都冇發現....我愛上既只係一個邪惡的惡魔.....

幸福...我從來冇得到過.......我都唔在乎失去了......