唔經唔覺又過咗一年lu!時間真係過得好快,好似發生好多事咁!有開心同埋有唔開心既事發生,好似發咗好多場夢咁!好似mark同我分手,那時真係好唔開心,但人一定要面對現實。之後jackson既出現,但我真係唔可以同佢一齊,因為我從來冇鐘意過佢,我真係覺得好對佢唔住,但無論如何我都祝你戀愛愉快!找到一個比我更好既女仔!雖然你可以為咗我放棄一切,我都好感激你!但感情呢樣野係唔可以勉強既!希望你明白!
之後我係深水埗某間寵物店做野令我結識到外賣仔(布甸),之後佢成日送外賣,可能係日久生情啦!我開始鐘意佢!但我知道係冇可能!所以我再冇唸佢lu!
之後就係edmond,佢係係icq到識,係因為佢住係九龍灣,所我先識佢!因為我無法忘記mark呢個人,之後佢要求出黎見面!我份人比較細膽,所以我叫咗我叫咗我個好朋友bubu同我一齊見!我仲記得那次係九龍灣見,我第一眼見到佢既感覺係好舒服,從來都未試過!我又覺得佢幾靚仔架(我認為),對佢有啲好感,可能呢啲叫一見鐘情啦!但我知好既,係唔應該屬於我,所以我選擇放棄!唔鐘意佢!雖然我都幾鐘意edmond!我知冇法控制,但我成日同自己講,edmond係絕對唔鐘意我!我亦唔想對一啲冇結果,同埋唔想鐘意一個唔鐘意自己既人。但我暫都估唔到,見完之後,佢每一晩都會打電話比我,令我唔可以忘記佢,仲咁鐘意佢,那時外賣仔同edmond成日係咁勁打電話比我!整到我好似唔知點咁!仲比bubu笑,話我行運!但佢哋又點會鐘意我喎!佢哋一日都冇講話鐘意我,所以我覺得佢哋只不過係想同做朋友啫!直至有一日,edmond約我去唱k,那日我帶埋bubu,而佢就同佢個friend(細B),那日玩得好開心,之後去咗油嫲地既仙竹岩飲野,之後bubu同edmond成日係到咬耳仔，唔知係度講甚麼秘密咁！我真係好想知，之後我問ｂｕｂｕ佢話，冇吖！我問佢鐘唔鐘意你囉？我話吓．．
之後佢點答你吖？？ＢＵＢＵ話：佢話遲喲先答我！我知道佢唔會鐘意我！之後那晩我哋坐係尖咀海旁既噴水池果到傾計，ＢＵＢＵ就同細Ｂ傾，而我就同ｅｄｍｏｎｄ，之後我就攞番ｍａｒｋ啲相出黎睇，之後ｅｄｍｏｎｄ話你同佢巳經過去，啲相仲留係度做甚麼？？
之後我決定忘記我既過去，將佢啲相掉落水池到！之後ｅｄｍｏｎｄ無啦啦講佢以前個女朋友啲野比我聽，之後我都好留心聽！之後晚上ｅｄｍｏｎｄ打電話比我，話有野想同我講，心諗我今次一定比人拒絕啦！點知佢話可唔可以做佢女朋友？我真係覺得好突然吖！仲話好鐘意我？？我真係唔敢相信！之後我同佢講會唔會太快呢？我同你都唔係識咗好耐咋噃？？之後佢話鐘意就係鐘意，冇話快唔快架！之後佢話依家等我既回覆。我話ok啦!心諗~~~~~~佢係咪真係鐘意我呢?定全心玩我,我諗咗好耐,其實由我第一眼見到佢,我巳經鐘意佢,所以我答案.......當然係ok啦!但佢好衰,居然係度玩我,佢話即係點吖???我係你唔係咁點吖????我話我係囉!佢係度笑,那時我真係好開心架!之後我仲記得後日佢為咗見我,特登八點幾起身,佢真係好傻,正一係大傻瓜!仲陪我去食早餐,之後我到咗深水埗,佢同我一齊行去西九龍,行既途中,佢拖住我,之後佢見到我個樣好似唔知點咁,之後佢當然問我,仲咩吖??你以前同啲男仔拍拖,唔拖手既咩??我話唔係,有啲唔慣啫!!!!!佢問點解吖??其實我都唔知點解???可能同自己愛既人拍拖,拖住手,有一種唔識點講既感覺啦!!!!!!!之我同edmond一齊去咗去美食廣場,但那時可能太早啦,所有鋪頭都未開既!之後就找咗個位坐啦!之後有個亞婆成日望住我,我覺得有啲怪怪哋咁!跟住同edmond講啦!佢話好有可能個亞婆鐘意咗佢,又話你有對手lu!之後個亞婆走埋黎,問我借手提電話。原來個亞婆剩係想借電話,並唔係鐘意edmond!之後edmond諗都唔諗就攞咗部電話出黎,借咗比個亞婆!之後借完,佢就同傾吓計!然後佢叫我挨埋啲,我都知佢想做甚麼!我緊係唔制啦!大庭廣眾喎!之後佢話快啲啦!亞婆睇到啦!之後佢kiss me!那次係我同佢第一既kiss,那時我個心真係覺得好甜架!^^
但我知道我同佢唔可以維持好耐架!會好快散,怕那日好快出現我眼前!但無論如何,希望所有人識得珍惜眼前人啦!而我同佢永遠可以做朋友!因性格不合,如困對情侣情唔合,又強硬咁一齊,倒頭來最辛苦係自己!