~~（請耐心地看哦﹗看完評下分la……）~~
阿美係個孤兒，佢一出世已父母雙亡，
所有親戚都認為係阿美克死父母，
根本冇人肯照顧佢，
所以佢一直以來都過住孤獨的生活，
亦令佢養成沉默ge性格，
所以朋友都唔多個。
------------------------------------
十八歲個年，佢0係麥記搵倒一份工，
佢每日都行同一條路返工放工，
好奇怪，佢每日返工都會撞到同一個男仔
…………
有一日，阿美拿住好多野返工，
行行0下俾人撞左一下，
所有野都跌曬落地，
佢蹲下將d野執返起，
出奇地竟然有人幫佢，
佢抬頭一睇，係佢？
0係個個每日都撞到ge男仔，
佢關懷地話要幫阿美，但佢拒絕，
男孩見佢執得好辛苦，
就堅持幫佢手，阿美最後都答應左。
一路上，個個男仔講左好多野，
但阿美都無乜反應，
只係從言語中知道佢叫阿澤，
仲讀緊書，轉眼間到左阿美返工個間麥記,臨分手前，
男孩問阿美叫咩名，
仲問阿美可唔可以同佢做friend，
阿美話左個名俾佢聽，
仲出奇地肯同佢做friend，
阿美自己都覺得奇怪。
------------------------------------
日子過得好快，
阿澤同阿美已經成為男女朋友的關係，
阿美ge性格亦因為阿澤而變得開朗，
阿美而家覺得好幸福，
想永遠都好似而家咁樣，
但邪惡之神並冇遠離佢。
有一日，阿美同阿澤去行街，
阿美見到街的另一邊有一間晶品店，
佢開心地跑過馬路，
並冇發覺有架車向住佢駛緊過黎，
阿澤情急之下衝出馬路推開阿美，
阿美逃過大難，但………
阿澤受左重傷，而阿美就嚇到淚如雨下，
阿澤0係送去醫院其間，
好辛苦的叫阿美唔好傷心，話佢冇事……
去到醫院，阿澤入左急症室，
阿美呆坐0係長凳上。
突然，有人向阿美破口大罵，
原來係阿澤ge父母，
佢地喊住咁向阿美大罵：
「你呢個黑星，一出世就克死父母，
而家又搞到我個仔咁樣，你快d走，
我地以後都唔想再見到你。」
阿美傷心地離去，
想著自己係唔係真ge係克星，克完父母，又到自己的boyfriend，
阿美就有想忘記男友ge念頭……
但過左幾日，
阿美仲係忍唔住去醫院睇阿澤，
阿美去到醫院，阿澤ge父母唔0係度，
阿美見到阿澤坐左0係病床度，
阿美行入去叫佢，
阿澤用疑惑ge眼神望住佢，問︰
「你係邊個ar，我係唔係識得你ga？」
阿美個心痛左一下，猛話自己係阿美，
仲係佢女朋友，但阿澤依然無反應。
阿美衝去問醫生，醫生話阿澤撞親個頭，咩野都唔記得，
阿美而家個心好似俾人用刀敕一樣，
好痛，好痛……0係呢一剎那，
阿美覺得自己又回復以前一樣，
回復一個無親人、無朋友阿美。
------------------------------------
唔知過左幾多年，
阿美依然0係個間麥記返工，
0係呢一日，阿美撞返阿澤，
阿澤仲拖住一個女仔0係佢身邊行過，
阿美無任何表情、反應，只是繼續返工，
因為佢已經對任何事都變得好麻木……
為的是唔希望自己再受傷，
佢實在忍受不了個心再受傷的感覺。
從此，陪伴著阿美的就係孤獨………

~此故事係假人假事，如有鐳同只係巧合~
^.^