好快就到我生日了..好快就情人節啦...n你仲記得嗎？你仲記得上年你點陪我過情人節嗎..??你送既花唔係我第一次收花，都唔會係我最後一次，但是個次..我會永遠永遠記得..多謝你..曾經比過如此美好既回憶比我...同你係埋一起既個一年，係我呢世人最開心既一年，我會永遠記得.....真係好開心..個一年..我覺得我幾乎擁有了全世界....

多謝你，多謝你曾經對我既好，多謝你，多謝你對我既狠，令我學識點樣重新做人，每當我遇到困難，我就會同自己講，我唔可以衰比你睇，我要證明比你睇，我冇左你會過得更加好....一直到今時今日...我認輸了...天生唔肯認輸既我認輸了...

離開你既懷抱我係多麼想再次依靠你，離開你後，我每一段感情都唔成功，因為乜？因為我成日拎你同佢地比，哈..而且我好失敗...到今時今日都走唔出你既陰影...做唔到再信人，不過呢樣野都有好處，就係唔怕會比人傷得太深....

你係icq話好驚我會對你做出d乜..我點會呢？我點捨得傷害你？我寧願作踐自己都唔捨得傷你呀...但是我已經說唔出呢d説話了....你已經有了那一個她啦..我任何人都敢傷，就係唔敢對你......唉...........

你一定覺得我好冇用啦..你一定覺得我好白痴...係..我認，我都唔想，假如我可以少愛你一點點，你話幾好呀...??

只要你過得比我好...就已經足夠了..記唔記得我同你講過好想去一個冇人識我既地方從新開始？我好快就可以去了，而家有姐姐陪住阿媽我好放心，我真係對d男人好失望，so...我想離開呢個傷心地，去唔到你個婚禮....祝你情人節快樂...my love....