不喜歡, 果然真係會離棄我...

今日好難受, 未拍拖已經被飛
我真係咁差?
我差在咩喎...

一放學, 番屋企放低o的野, 就走左出街. 其實我一早知道自己就冇destination, 但係實在唔想一個人係屋企, 就算而家出街, 都係我一個人... 一踏出街, 發覺我實在諗唔到去邊好呀, 我一路听住歌, 一路漫無目的咁四圍盪. 行行下, 就上左架巴士.. 巴士o既上層就只有兩個人, 但係o係我上車之後冇耐, 佢地都走晒...望住兩排整齊o既空凳, 感到很冷.
落左車, 先發覺自己只係去左中環...盪黎盪去, 我都唔知去邊度好. 坐低飲野, 得一個人, 我唔想, 去shopping, 我又冇錢, 再者我實在冇心機睇...諗住打電話搵人傾下, 點知...我發覺冇一個係同我交心架... 唉

一個鐘頭之後, 就返番屋企. 一個鐘頭內, 部MD不停重覆播住同一盒帶; 一個鐘頭內, 我由自己屋企去到不遠o既中環再走回頭路番屋企; 一個鐘頭內, 世界上o既人都係咁過生活, 冇任何o既改變... 咁我呢? 我可以被人接納嗎? 點解我o既人際關係咁差呢...我究竟錯係邊喎...

...今日o既我又想自閉喇, 我想暫時消失, 對唔住呀, 雖然掛住你, 但係我想靜下...

希望14號唔會再被飛啦, 實在承受不了...