好耐無打過電話比你,今日忍唔住打左個...先發現你又換左電話....哈..何必呢?既然唔想我打比你,你當初就唔好比個電話我啦~我真係唔明你丫..

我更加唔明係自已,點解仲要愛你呢個甘不知所謂既男人,我真係好能ON9!!!!!

同你分開左幾耐啦?都有10個月了吧?!你知道嗎,同你分開左後,我日日都有寫信比你,但係我無寄出去,都無諗過寄出去,無必要,只要我自已覺得我愛你咪得羅,無必要比你知丫,比你知左,我怕我既下場會好慘..戀上邪惡清風的愛，我注定死路一條，但係唔比你知，起碼我仲可以保有全尸！！！起碼死都可以痛快D！

我知道你做左太多太多對唔住我既事，但係我唔想去想唔想去諗，我將對我好既你同對我壞既你會開兩半，將你當係兩個人，我好傻，我知道，但係我做唔到唔去愛你，個個人都同我講，你會隨著時間而慢慢淡忘，但係我知唔會，人地唔係我，又點會明白我對你既愛有幾深？我知，連你都唔知，只有我自已知，苦戀，而且係無結局既苦戀，但係我心甘情願，你永遠係我既最愛，永遠！


唔知由幾時開始我變到好討厭情人節,中秋節,新年,每到呢D時候我都會諗起你,諗起我地以前一起既快樂時光!但係諗起你既同時我又會諗起你而家做緊乜?係咪同那一個"她"一起??個心就會開始好痛,痛到無辦法呼吸,得到過誰願放手?


點解我會甘愛你？我估，係我前世欠了你的愛...今世我要用一世來償還..我無野好講,只有一句我願意...