搭車返屋企時，見到個女仔，講真，係咪好靚真係睇唔清楚，不過點解會咁留意呢，佢令我覺得佢好似以前既一個人，至少氣質同感覺係，重點係，我無去嘗試去識佢，因為始終係兩個人，況且我從來無去亂貿然去識人既念頭，呢個係理性戰勝感覺既例子。

另一邊，我既一位女性友人，為左一個識左三日而又對其可以話係根本一無所知既人一齊，放棄左一個相戀三年，好愛佢既男朋友，當然，對人同對自已，係用上左好多理性既理由去支持自已去做呢件事，但好明顯，o係我既角度，我會睇成係感覺驅使下既決定。

問題又黎啦，理性同感覺，可以並存嘛？當然可以啦，睇你彩數，對一個人有感覺，從中理性咁分析大家既可能性有幾大，諸如背景、性格、能力、經濟等，正面既話當然好啦，但負面既話，係咪要對自已麻木不仁咁放低感覺去理性而為呢？

如果放下理性，率性而為既話，咁又係咪明知係負面既，都心口掛個勇字，一往無還，勇往直前呢？結果會係...

試過率性而為，試過深思熟，試過輸左俾感覺，當然亦又輸過俾理性啦，四種經歷都帶俾我唔同既經驗，我好眼淺，雖然隨年歲既增長，我已深思左唔少，不過若事情再發生時，我還是會身不由己咁偏向感覺，如若有一次我可以保持理性，或去逃避感覺時，我想那次應該是傷透了、元氣大傷了吧。