以前,都無諗過會o係ICQ度搵到一個咁好o既男朋友,因為,ICQ愛情有幾多係認真o架? 連我自己初初玩o既時候都係諗住玩o下,唔會擺個心出o黎,更何況係o的男仔!

遇到俊,真係萬分之一o既事情. 並唔係話,ICQ愛情o既發生係難得,而係話,遇到一個唔係一心諗住上網溝女,而只不過係巧合咁遇到一個random女仔而全心全意去愛佢,錫佢o既男仔就真係好難得.有陣時我會覺得俊好單純,點解一開始就可以將個心拎出o黎,但係,其實我而家諗番,呢個可能係計劃o黎o既,佢知道我一定會好感動,之後就會好愛佢,無o左佢唔得o個隻添,到時佢就可以掉番轉等我去錫佢,就佢. 哈哈!! 我咁聰明,一早就識穿佢呢個陰謀. 所以呢,我有辦法,我愛佢o既程度永遠保持o係佢愛我之下少少咁多喇!! 咁等佢成日都咁愛我,錫我,聽哂我話,哈哈!
(各位靚女們,呢個辦法好使得o架! 想您o地個男朋友仔好聽您話就學o下喇!)

初初同俊o係埋一齊o既時候,我同佢o既朋友都唔係咁睇好我o地,因為始終係兩個唔同圈子o既人. 但係,真係好奇怪o架,日久生情o既戀情反而無呢個一見鍾情o既咁甜同咁開心,唔通呢o的就係"傳說"（全人類都愛說及）中o既緣份,而家o的朋友都會好羨慕我o地成日都咁煙韌呀!!

其實我同俊身邊都有好多戀人朋友係o係ICQ度識o既,當然好多都只係玩玩o下,好快就散,但係都有少數係可以一齊好好,而我同俊俊當然係非常好啦!!
好多朋友都覺得ICQ搵另一半係一個好途徑,而且重好刺激浪漫添! 當然喇,遇到好o既,就真係煙韌一對,但係如果唔好o既呢,就真係好危險,我自己都試過,好彩... ...(有機會話俾您o地聽) 所以呢,真係要睇清楚對方份人先,人久知人心嘛,我同俊真係好好彩,而家諗番,都唔知點解當時咁勇,哈哈!!