<泰國冒險之旅 20/03/2002>

今日又遲左少少, 09:30先落到去食早餐. 食完冇小睡lu, 因為今日最後一日旅程, 我同大頭, 大口仔 & Raymond 10:30 就出發搭的士去 Seacon Square行街. 又買左好多野啦!! 不過買左兩個好靚好得意既相架! 我真係好鍾意呀!!!!

o係果度既food court食lunch, 好平好食! 食完又再行, 行到17:00我地再搭的士去Siam Discovery, 不過冇乜野行, 收穫只有兩隻熊貓公仔. 之後返酒店, o係樓下 “林真香” 買左少少野食, 即係我最鍾意食果d貓屎之類既野啦. 返到酒店放低哂d野, 我地四個再出發去唐人街食海鮮, 其實我唔想又repeat去唐人街架,不過Raymond提議, 佢同大口仔又冇食過海鮮, 是但啦! 食完再去南星食燕窩.

食完只係21:00, 我地去左一個新開既夜市, 唔記得叫咩名lu, 只係記得我冇任何收穫…… 今晚最搞笑係行完夜市搭的士返酒店, 個司機唔知真唔識定假唔識, 車左我地去一撻老遠既地方, 完全係反方向, 講英文佢又唔知真唔明定假唔明, 我地嬲嬲地咪落車囉! 仲冇比錢添呀!! 真係火滾! 好彩一落車立即截到一架的士, 司機好好人, 仲好搞笑, 而且好有親切感添! 因為佢識講國語架!!

返到酒店大約00:00倒啦! 好努力咁執野, 大約01:00上床訓教.

P/S 今日泰國全日洗費(搭車食野買野)TOTAL 4634 泰銖