<泰國冒險之旅 21/03/2002>

今日終於返香港啦~~~~ 好開心呀!!! I miss Hong Kong~~

晨早食完早餐, 就返上房執齊野, 同大頭, 大口仔 & Raymond一架的士直達曼谷機場. 今日乘搭flight no. UL422, 泰國時間13:20起飛. 入閘後最令人振奮既係……我地8個人竟然被安排轉坐商務客位!!!!!!! 哈哈哈~~~ 應該係果間搞到我地好麻煩既旅遊公司幫我地安排, 嘩! 真係正到痺, 商務客位, 我咁大個女第一次坐, 亦都可能係最後一次及唯一一次.

仲有一樣野, 令我更加興奮, 就係我坐
o係窗口位, 一個天朗氣清既下午, 我終於見到……雲層. 我深切感受到自己o係雲層上面飛……好開心呀, 真係好開心, 呢個係我由細到大既心願, 我好渴望可以近距離見到雲, 真係好靚, 好high, 心情極之興奮. 我仲影左幾張相, 一舊舊雲, 好似棉花糖……總之就好正啦!!

返到香港大約17:00, 等埋行李, 就搭巴士返屋企, 大約19:00到達, 好意外, 媽咪已經煮好飯等我!!

安全返到香港啦! 真係好開心!!!!!!

P/S 今日泰國全日洗費(搭車食野買野)TOTAL 575 泰銖